কাৰ্বি আংলঙৰ সকলো বেদখলকৃত ভূমিত উচ্ছেদ হ’ব : তুলিৰাম ৰংহাঙ

ডিফু, ২০ ডিচেম্বৰ : কাৰ্বি আংলং জিলাৰ অসম-নাগালেণ্ড সীমান্তৰ লাহৰিজানত সোমবাৰে ৯০ শতাংশ উচ্ছেদ(Eviction drive in Laharijan) কৰা হয় ৷ যি ১০ শতাংশ বাকী ৰৈ গৈছে সেয়া চলিত মাহতে সম্পূৰ্ণ কৰা হ’ব ৷ কাৰ্বি আংলং স্বায়ত্ব শাসিত পৰিষদ(Karbi Anglong Autonomous Council) আৰু জিলা প্ৰশাসনে অবৈধ বেদখলকাৰীৰ বিৰুদ্ধে উচ্ছেদ অভিযান চলায় ৷ ইয়াৰ পিছতে বিয়লি ডিফুত পৰিষদৰ মুখ্য কাৰ্যবাহী সদস্য(Chief Executive Member of Karbi Anglong Autonomous Council) তুলিৰাম ৰংহাঙে এক সংবাদমেল সম্বোধন কৰি এই উচ্ছেদ অভিযানৰ কথা সদৰি কৰে ৷

পৰিষদৰ মুখ্য কাৰ্যবাহী সদস্যগৰাকীয়ে সদৰি কৰা অনুসৰি, সোমবাৰৰ উচ্ছেদ অভিযানৰ পূৰ্বে ৪১ টা ঘৰে সেই স্থান ত্যাগ কৰাৰ বিপৰীতে ২১০ টা ঘৰ উচ্ছেদ কৰা হয় ৷ মুঠ ৩,৬৫০জন লোকৰ পৰা দখলীকৃত ভূমি উদ্ধাৰ কৰা হয় ৷ তেওঁ লগতে জানিবলৈ দিয়ে যে, কাৰ্বি আংলং জিলা স্বায়ত্বশাসিত পৰিষদৰ উদ্যোগত উক্ত অঞ্চলত বিদ্যালয়, উচ্চ শিক্ষানুষ্ঠানকে ধৰি বিভিন্ন উন্নয়নমূলক আঁচনি গ্ৰহণ কৰা হ’ব ৷

পৰিষদৰ অধীনত আৰু দখল হৈ থকা সকলো ভূমি উচ্ছেদ কৰা হ’ব আৰু পৰিষদে ইতিমধ্যে জিলা প্ৰশাসনৰ সৈতে এই সন্দৰ্ভত আলোচনা কৰিছে বুলি সদৰি কৰে পৰিষদৰ মুখ্য কাৰ্যবাহী সদস্য তুলিৰাম ৰংহাঙে ৷

লগতে পঢ়ক : Section 144 impose in Laharijan: লাহৰিজানত উচ্ছেদ অভিযানৰ বাবে সাজু প্ৰশাসন