নেশ্যনেল ডেস্ক, 13 নৱেম্বৰ : যাত্ৰীসকললৈ ডাঙৰ সকাহ ভাৰতীয় ৰে’লৱেৰ ৷ ভাড়া বৃদ্ধিক লৈ যাত্ৰীসকলৰ পৰা চাপৰ সন্মুখীন হোৱাৰ পিছত ৰে’ল বিভাগে মেল আৰু এক্সপ্ৰেছ ৰে’লসমূহৰ বাবে বিশেষ টেগ আঁতৰোৱাৰ নিৰ্দেশ দিয়ে ৷ ইয়াৰ লগতে ৰে’ল বিভাগে কৰ’ণা মহামাৰীৰ পূৰ্বৰ ভাড়াকে অতিশীঘ্ৰে কাৰ্যকৰী কৰাৰ বাবেও নিৰ্দেশ প্ৰদান কৰে ৷
যেতিয়াৰ পৰা লকডাউনত শিথিলতা আৰোপ কৰা হৈছিল তেতিয়াৰ পৰা ৰে’ল বিভাগে কেৱল বিশেষ ৰে’লসমূহহে চলাচলৰ নিৰ্দেশ প্ৰদান কৰিছিল ৷ ইয়াৰ আৰম্ভণি দীঘলীয়া যাত্ৰাৰ ৰে’লসমূহৰ পৰা হৈছিল ৷ ওচৰৰ যাত্ৰাৰ বাবে বেছি ভাড়াযুক্ত বিশেষ ৰে’লসমূহক খোলা দিয়া হৈছিল ৷
ৰে’লৱে বোৰ্ডে শুকুৰবাৰে মাণ্ডলিক ৰে’লৱে বিষয়াক লিখা পত্ৰত উল্লেখ আছিল যে, এতিয়াৰে পৰা ৰে’লসমূহ নিয়মিত নম্বৰৰ দ্বাৰা পৰিচালিত কৰা হ’ব আৰু ভাড়া ক’ভিডৰ পূৰ্বৰ দৰে বাহাল থাকিব ৷
অৱশ্যে এই নিৰ্দেশনাত এই কথা উল্লেখ কৰা হোৱা নাই যে মাণ্ডলিক ৰে’লৱেই ক’ভিডৰ পূৰ্বৰ তেওঁলোকৰ সেৱাসমূহ কেতিয়াৰ পৰা পুনৰ আৰম্ভ কৰিব লাগিব ৷ এগৰাকী বিষয়াই জানিবলৈ দিয়া অনুসৰি আগন্তুক কিছু দিনত 1,700তকৈ অধিক ৰে’লৰ চলাচল পুনৰ আৰম্ভ কৰা হ’ব ৷ ৰে’লৰ নম্বৰৰ প্ৰথম সংখ্যাটো ‘শূণ্য’ নহ’ব যি বিশেষ ৰে’ল ক্ষেত্ৰত আছিল ৷
বিশেষ ৰে'লৰ পৰিচালনা আৰু ভাড়া তৎপৰ নোহোৱাৰ বাবে ৰে'লৱেৰ ৰাজহ যথেষ্ট বৃদ্ধি পাইছে । ৰে'লৱেই যাত্ৰীৰ সামগ্ৰীৰ পৰা 2021-2022 চনৰ দ্বিতীয় তিনিমাহত প্ৰথম তিনিমাহৰ তুলনাত 11.3% বৃদ্ধি পঞ্জীয়ণ কৰিছে ।
ৰে’লৱেৰ আদেশত এই কথাও উল্লেখ কৰা হৈছে যে সকলো ৰে’লতে কৰ’ণাৰে জড়িত সকলো নীতি-নিৰ্দশনা পালন কৰা হ’ব ৷ ইয়াৰ উপৰিও আগতিয়াকৈ বুক কৰা টিকটৰ ক্ষেত্ৰত ৰে’লৱেৰ তৰফৰ পৰা কোনো অতিৰিক্ত ভাড়া গ্ৰহণ কৰা নহয় লগতে টকা ওভটাই দিয়া নহয় ৷
লগতে পঢ়ক : DU PG Admission: 17 নৱেম্বৰত প্ৰকাশ পাব নামভৰ্তিৰ প্ৰথমখন Merit List
