নিউজ ডেস্ক, 19 নৱেম্বৰ : আজি ভাৰতৰ প্ৰথমগৰাকী মহিলা প্ৰধানমন্ত্ৰী ইন্দিৰা গান্ধীৰ 104 সংখ্যক জন্মজয়ন্তী ৷ 1917 চনৰ 19 নৱেম্বৰত জন্মলাভ কৰা ইন্দিৰা প্ৰিয়দৰ্শিনী পণ্ডিত জৱাহৰলাল নেহৰুৰ কন্যা আছিল ৷ তেওঁ নিজৰ জীৱনকালত ভাৰতীয় জাতীয় কংগ্ৰেছৰ কাৰ্যক্ৰমত গুৰুত্বপূৰ্ণ ভূমিকা পালন কৰিছিল ৷
1959 চনত ইন্দিৰা গান্ধী ভাৰতীয় জাতীয় কংগ্ৰেছৰ সভানেত্ৰী হিচাপে নিৰ্বাচিত হৈছিল ৷ 1964 চনত পিতৃ জৱাহৰলাল নেহৰুৰ মৃত্যুৰ পিছত তেওঁ ৰাজ্যসভাৰ সদস্য হিচাপে মনোনীত হৈছিল আৰু লাল বাহদুৰ শাস্ত্ৰীৰ কেবিনেটত তথ্য আৰু সম্প্ৰচাৰ মন্ত্ৰী হিচাপে কাৰ্যনিৰ্বাহ কৰিছিল ৷
লাল বাহদুৰ শাস্ত্ৰীৰ পিছত দেশৰ পৰৱৰ্তী প্ৰধানমন্ত্ৰী হিচাপে আসন শুৱনি কৰিছিল ইন্দিৰা গান্ধীয়ে ৷ ইন্দিৰা গান্ধীয়ে ১৯৬৬ চনৰ পৰা ১৯৭৭ চনলৈ প্ৰধানমন্ত্ৰী হিচাপে প্ৰথম কাৰ্যকাল পালন কৰিছিল ৷ আৰু ১৯৮১ চনৰ পৰা ১৯৮৪ চনলৈ দ্বিতীয়টো কাৰ্যকালতে তেওঁৰ নিজৰ নিৰাপত্তাৰক্ষীয়ে তেওঁক গুলিয়াই হত্যা কৰিছিল ৷
১৯৭৭ চনৰ শেষৰ ফালে ইন্দিৰা গান্ধীয়ে দেশৰ ৰাজনৈতিক কেনভাচত এনে প্ৰভাৱ পেলাইছিল যে তেতিয়াৰ কংগ্ৰেছ দলৰ সভাপতি দেৱকান্ত বৰুৱাই "India is Indira and Indira is India." বাক্যাংশটো উল্লেখ কৰিছিল ।
1999 চনত BBC ৰ এক অনলাইন জৰীপৰ জৰিয়তে ইন্দিৰা গান্ধীক “Woman of the Millennium” বুলি অভিহিত কৰা হৈছিল । শেহতীয়াকৈ 2020 চনত তেওঁক ‘টাইম আলোচনী’ৰ দ্বাৰা যোৱা শতিকাৰ বিশ্বৰ ১০০ গৰাকী শক্তিশালী মহিলাৰ এগৰাকী হিচাপে নামকৰণ কৰা হৈছিল ৷
লগতে পঢ়ক : Govt to repeal all three farm laws : দেশবাসীক সম্বোধন কৰি ঘোষণা প্ৰধানমন্ত্ৰীৰ
