নিউজ ডেস্ক, 23 এপ্ৰিল : এমাহৰ অন্তত দেওবাৰৰ পঞ্জাৱৰ মোগা জিলাত ৱাৰিছ পঞ্জাৱ দেৰ মুৰব্বী অমৃতপাল সিঙে আত্মসমৰ্পন কৰাৰ পিচতে তেওঁক গ্ৰেপ্তাৰ কৰে পঞ্জাৱ আৰক্ষীয়ে (Why Amritpal Singh Sent To Assam Jail) ৷ অমৃতপল সিঙে ৰ’ডে গাঁৱৰ এক গুৰুদ্বাৰত ভাষণ দিয়াৰ পিচতে আৰক্ষীৰ ওচৰত আহি আত্মসমৰ্পণ কৰে ।
ইয়াৰ পাচতেই কটকটীয়া নিৰাপত্তাৰ মাজেৰে এখন বিশেষ বিমানেৰে পোনে পোনে অমৃতক লৈ অহা হৈছে ডিব্ৰুগড় কাৰাগাৰলৈ (Amritpal Singh taken to Dibrugarh jail) । ইতিমধ্যে অমৃতৰ 9 গৰাকী সহযোগী খালিস্তানী নেতা মাৰ্চ মাহৰে পৰাই ডিব্ৰুগড় কাৰাগাৰত কাৰাৰুদ্ধ হৈ আছে (Amritpal Singh Arrested in Punjab) ৷
এতিয়া স্বাভাৱিকতে এটা প্ৰশ্ন উত্থাপন হৈছে যে, পঞ্জাৱত গ্ৰেপ্তাৰ হোৱা অমৃতপাল সিং আৰু তেওঁৰ সহযোগীসকলৰ পঞ্জাৱৰ পৰিৱৰ্তে অসমৰ ডিব্ৰুগড় কেন্দ্ৰীয় কাৰাগাৰত কিয় কাৰাৰুদ্ধ কৰি ৰখা হৈছে (Amritpal Singh surrendered) ? এক সূত্ৰৰ তথ্য অনুসৰি উত্তৰ-পূবৰ আটাইতকৈ পুৰণি আৰু আটাইতকৈ সুৰক্ষিত কাৰাগাৰৰ ভিতৰত অন্যতম ডিব্ৰুগড়ৰ কেন্দ্ৰীয় কাৰাগাৰ (Dibrugarh Central Jail)।
অভিযুক্তকেইটাই ভাষাৰ ভিন্নতাৰ কাৰণে আন কয়দী আৰু কাৰাগাৰৰ কৰ্মচাৰীৰ সৈতে সংযোগ স্থাপন কৰিব নোৱাৰিব ৷ উত্তৰ ভাৰতৰ কাৰাগাৰত কাৰাৰুদ্ধ হৈ থকা বহু কাৰাবন্দী বিচ্ছিন্নতাবাদী আন্দোলনৰ সৈতে জড়িত থকাৰ সম্ভাৱনা অধিক ৷ অসমৰ স্থানীয় শিখ সম্প্ৰদায় খালিস্তান আন্দোলনৰ প্ৰতি সহানুভূতিশীল নহয় ।
ডিব্ৰুগড় কাৰাগাৰৰ প্ৰায় 170 বছৰৰ ইতিহাসত কেতিয়াও কাৰাগাৰত কোনো ধৰণৰ ডাঙৰ ঘটনা সংঘটিত হোৱা নাই ৷ যাৰ ফলত ইয়াক এক অত্যন্ত সুৰক্ষিত কাৰাগাৰ হিচাপে জনা যায় ৷ ডিব্ৰুগড় চহৰৰ কেন্দ্ৰত থকা কাৰাগাৰৰ অৱস্থানৰ ওপৰত ভিত্তি কৰি ইয়াৰ পৰা কোনো অপৰাধীয়ে পলাই যাব নোৱাৰে ৷ এই কাৰাগাৰখন চহৰৰ বিপৰীত দিশে অৱস্থিত ।
যোৱা ১৯ মাৰ্চৰ পৰা কাৰাগাৰ চৌহদৰ চাৰিওফালে নিৰাপত্তা শক্তিশালী কৰা হৈছে ৷ 'ৱাৰিছ পাঞ্জাৱ দে'ৰ (Waris Punjab De) চাৰিজন সদস্যক ডিব্ৰুগড় কাৰাগাৰলৈ অনাৰ পিচৰে পৰাই কাৰাগাৰত 24 ঘণ্টাত তিনিটা স্তৰৰ নিৰাপত্তা ব্যৱস্থা মোতায়েন কৰা হৈছে (Punjab Police IG Sukhchain Singh Gill) ৷
এজন কাৰাগাৰৰ কৰ্তৃপক্ষই সংবাদ মাধ্যমক জনোৱা অনুসৰি, "কাৰাগাৰৰ চৌহদটোত অসম আৰক্ষীৰ ব্লেক কেট কামাণ্ডো, চিআৰপিএফ আৰু অন্যান্য সুৰক্ষা কৰ্মী মোতায়েন কৰা হৈছে ৷"
তদুপৰি, স্থানীয় সংবাদ মাধ্যমৰ প্ৰতিবেদনত দাবী কৰা হৈছে যে, অমৃতপাল সিঙৰ সহযোগীসকল কাৰাৰুদ্ধ হৈ থকা কাৰাগাৰৰ চেলবোৰত নতুন চিচিটিভি কেমেৰা স্থাপন কৰা হৈছে আৰু বিকল কেমেৰাবোৰৰো মেৰামতি অথবা সলনি কৰা হৈছে ৷
দেওবাৰে দুপৰীয়া প্ৰায় ২.২০ বজাত ভাটিণ্ডাৰ পৰা ডিব্ৰুগড় বিমানবন্দৰলৈ কটকটীয়া নিৰাপত্তাৰ মাজেৰে অমৃতপাল সিঙৰ কাৰাগাৰত উপস্থিত হয় । কেন্দ্ৰীয় কাৰাগাৰত কেইবা তৰপীয়া নিৰাপত্তাৰ ব্যৱস্থা কৰা হৈছে ।
১৮৬০ চনত ব্ৰিটিছসকলে নিৰ্মাণ কৰা ডিব্ৰুগড় কাৰাগাৰত বন্দীৰ সংখ্যা প্ৰায় ৬৮০ গৰাকী ৷ গুৱাহাটী আৰু তেজপুৰৰ কেন্দ্ৰীয় কাৰাগাৰৰ পিচতে ডিব্ৰুগড় কাৰাগাৰ বৰ্তমান ৰাজ্যখনৰ তৃতীয় সৰ্বাধিক জনবসতিপূৰ্ণ কেন্দ্ৰীয় কাৰাগাৰ ৷ ডিব্ৰুগড় কেন্দ্ৰীয় কাৰাগাৰে অসমৰ আলফা বিদ্ৰোহৰ কেন্দ্ৰ আছিল আৰু দলটোৰ কেইবাজনো শীৰ্ষ নেতাক এইখন কাৰাগাৰতে বন্দী কৰা হৈছিল ।
অমৃত পালক গ্ৰেপ্তাৰৰ পিচতেই দেওবাৰে পঞ্জাৱ আৰক্ষীৰ মহাপৰিদৰ্শক সুখশৈন সিং গিলে কয় যে, অমৃতপাল সিঙক ৰাষ্ট্ৰীয় সুৰক্ষা আইনৰ (এনএছএ) অধীনত ডিব্ৰুগড়লৈ লৈ যোৱা হ'ব ।
ইফালে চোৰাংচোৱা সংস্থাই কয় যে, অমৃতপাল সিঙে ইয়াৰ গুপ্তচৰ সংস্থা ইণ্টাৰ-চাৰ্ভিচেছ ইণ্টেলিজেঞ্চৰ জৰিয়তে পাকিস্তানৰ পৰা অস্ত্ৰ-শস্ত্ৰ সংগ্ৰহ কৰি আহিছে আৰু পঞ্জাৱক সাম্প্ৰদায়িক ভিত্তিত বিভক্ত কৰিবলৈ চেষ্টা কৰিছে । অমৃতপাল সিঙে যুৱ প্ৰজন্মক "বন্দুক সংস্কৃতি"ৰ দিশে আগুৱাই নিছিল বুলি অভিযোগ কৰা উত্থাপন কৰা হৈছে ৷
লগতে পঢ়ক: Amritpal Singh updates: অমৃতপাল সিঙৰ গ্ৰেপ্তাৰে কি দৰে প্ৰভাৱিত কৰিব খলিস্তানী বিচ্ছিন্নতাবাদক ?
অমৃতপাল সিং আৰু সহযোগীসকলৰ বিৰুদ্ধে সম্প্ৰদায়টোৰ মাজত বিভেদ সৃষ্টি কৰা, হত্যাৰ চেষ্টা, আৰক্ষী কৰ্মীৰ ওপৰত আক্ৰমণ আৰু ৰাজহুৱা কৰ্মচাৰীৰ দ্বাৰা আইনীভাৱে কৰ্তব্য পালনত বাধা সৃষ্টি কৰাৰ সৈতে সম্পৰ্কিত কেইবাটাও অপৰাধমূলক ধাৰাৰ অধীনত গোচৰ ৰুজু কৰা হৈছিল ।
