নেশ্যনেল ডেস্ক, 22 ছেপ্তেম্বৰ : বুধবাৰে অমৃতসৰৰ স্বৰ্ণ মন্দিৰ দৰ্শন কৰে পঞ্জাৱৰ নৱ নিৰ্বাচিত মুখ্যমন্ত্ৰী চৰণজিৎ সিং চান্নীয়ে ৷ তেওঁক সংগ দিয়ে দুয়োগৰাকী উপ মুখ্যমন্ত্ৰী ক্ৰমে সুখজিন্দৰ সিং ৰন্ধাৱা আৰু অ’ পি চাইনীৰ লগতে পঞ্জাৱ কংগ্ৰেছৰ সভাপতি নৱজোৎ জিং সিদ্ধুৱে ৷ বুধবাৰে পুৱাৰ ভাগতে শ্ৰীদৰবাৰ চাহিবৰ দৰ্শন কৰে আটাইকেইগৰাকীয়ে ৷
যোৱা সোমবাৰে পঞ্জাৱৰ মুখ্যমন্ত্ৰী হিচাপে শপতগ্ৰহণ কৰিছিল চৰণজিৎ সিং চান্নীয়ে ৷ পঞ্জাৱৰ ৰূপনগৰ চমকৌৰ চাহিব সমষ্টিৰ পৰা তিনিবাৰকৈ বিধায়ক হিচাপে নিৰ্বাচিত চান্নী হৈছে ৰাজ্যখনৰ প্ৰথমগৰাকী দলিত সম্প্ৰদায়ৰ মুখ্যমন্ত্ৰী ৷ দেওবাৰে কেইবালানি বৈঠকৰ অন্তত কেপ্তেইন অমৰিন্দৰ সিঙৰ উত্তৰাধিকাৰী হিচাপে ঘোষণা হয় চান্নীৰ নাম ৷
যোৱা শনিবাৰে পঞ্জাৱৰ ৰাজ্যপাল বনৱাৰীলাল পুৰোহিতৰ হাতত পদত্যাগ পত্ৰ দাখিল কৰিছিল প্ৰাক্তন মুখ্যমন্ত্ৰী অমৰিন্দৰ সিঙে ৷
লগতে পঢ়ক : সীমান্তৰে ভ্ৰমণৰ ক্ষেত্ৰত শিথিলতা জাৰি বাংলাদেশ চৰকাৰৰ
