আগৰতলা,২২ অক্টোবৰ : সমাগত দীপাৱলী (Diwali 2022)। দেশৰ ভিন্ন প্ৰান্তত দীপাৱলী আৰু কালী পূজাৰ ব্যাপক প্ৰস্তুতি চলিছে (Kali Puja preparation)। পোহৰৰ উৎসৱ উদযাপনৰ বাবে সাজু হৈছে সকলো । ইফালে দীপাৱলী আৰু কালী পূজাৰ বিভিন্ন সামগ্ৰীও বজাৰত উপলব্ধ হৈছে । চাকি, ভিন্ন ৰঙীন লাইটেৰে বজাৰ উভৈনদী হৈছে ।
দেশৰ বিভিন্ন কালী মন্দিৰতো দীপাৱলীৰ বাবে বিশেষ তৎপৰতা দেখিবলৈ পোৱা গৈছে । প্ৰতিবছৰৰ দৰে ত্ৰিপুৰাৰ উদয়পুৰৰ ত্ৰিপুৰেশ্বৰী মন্দিৰতো দীপাৱলী আৰু মেলাৰ বিশেষ আয়োজন কৰা হৈছে । য'ত লাখ লাখ ভক্তৰ আগমন হোৱাৰ আশা কৰা হৈছে ।
দেশ-বিদেশৰ ভক্তৰ আগমনৰ সম্ভাৱনাৰ প্ৰতি লক্ষ্য ৰাখি উত্তৰ-পূব সীমান্ত ৰে'লৱেই গুৰুত্বপূৰ্ণ সিদ্ধান্ত গ্ৰহণ কৰিছে । গোমতী জিলাৰ ঐতিহাসিক ত্ৰিপুৰেশ্বৰী মন্দিৰত ভক্তৰ অতিৰিক্ত ভিৰৰ সম্ভৱনাৰ প্ৰতি লক্ষ্য ৰাখি উক্ত দিনকেইটাত আগৰতলা-ধৰ্মনগৰ-আগৰতলা আৰু আগৰতলা-চাব্ৰুম-আগৰতলাৰ মাজত দুখন বিশেষ ৰে'ল চলাচলৰ সিদ্ধান্ত লৈছে উত্তৰ-পূব সীমান্ত ৰে'লৱেই (NFR to run Diwali special train in Tripura)।
এনএফআৰ কৰ্তৃপক্ষই উল্লেখ কৰা মতে দুয়োখন ৰেল ২৩ অক্টোবৰৰ পৰা ২৬ অক্টোবৰলৈ পৰিচালনা কৰা হ'ব । বিশেষ ৰেল নং ০৭৬৮৭ (আগৰতলা-ধৰ্মনগৰ) আগৰতলাৰ পৰা ০৫:২০ বজাত ৰাওনা হ'ব আৰু পুৱা ০৮:৪৫ বজাত ধৰ্মনগৰ পাব । বিশেষ ৰেল নং ০৭৬৮৮ (ধৰ্মনগৰ- আগৰতলা) ধৰ্মনগৰ ৰেল ষ্টেচনৰ পৰা ১০:৩৫ বজাত ৰাওনা হ'ব আৰু আবেলি ২ বজাত আগৰতলা পাব ।
আনহাতে বিশেষ ৰেল নং ০৭৬৮৫ (আগৰতলা-চাব্ৰুম), আগৰতলাৰ পৰা ২:১৫ বজাত ৰাওনা হ'ব আৰু ৪:৩৫ বজাত চাব্ৰুম ষ্টেচন পাব । বিশেষ ৰেল নং ০৭৬৮৬ (চাব্ৰুম-আগৰতলা), চাব্ৰুমৰ পৰা ৫ বজাত ৰাওনা হ'ব আৰু ৭:৩৫ বজাত আগৰতলা ষ্টেচন আহি পাব । দুয়োখন বিশেষ ৰে'লত ৭টা ডবা থাকিব । ৬ টা সাধাৰণ শ্ৰেণীৰ আৰু এটা লাগেজ কাম গাৰ্ড ভেন থাকিব ।
লগতে পঢ়ক :Tripura BJP : বিধানসভা নিৰ্বাচনৰ পূৰ্বে ত্ৰিপুৰা বিজেপিৰ গুৰুত্বপূৰ্ণ সাংগঠনিক সভা
