নেচনেল ডেস্ক, 1 আগষ্ট : দেওবাৰে ছত্তিশগড়ৰ ধামতাৰী জিলাত (Chhattisgarh's Dhamtari district) নক্সালবাদীয়ে (Naxals) এজন 35 বছৰীয়া যুৱকক হত্যা কৰে ৷ এই কথা সদৰী কৰিছে আৰক্ষীৰ বিশেষ সূত্ৰই ৷ উল্লেখযোগ্য যে, কেশৰী চোৰী নামৰ যুৱকজনক নক্সালবাদীয়ে হত্যা কৰাৰ বিষয়ে জানিব পাৰি ততালিকে ঘটনাস্থলীলৈ ৰাওনা হৈছে আৰক্ষী ৷
এই সমগ্ৰ ঘটনা সন্দৰ্ভত ধামতাৰী জিলাৰ আৰক্ষী অধীক্ষক প্ৰফুল ঠাকুৰে সংবাদ মাধ্যমৰ আগত সদৰী কৰে ৷ আৰক্ষী অধীক্ষক গৰাকীয়ে প্ৰকাশ কৰা অনুসৰি, নক্সালবাদীৰ বেনাৰ-পোষ্টাৰ বৰাই আৰক্ষী থানাৰ অন্তৰ্গত কাৰিপানীত উদ্ধাৰ হৈছে ৷ নক্সালবাদীসকলে 28 জুলাইৰ পৰা 3 আগষ্টলৈ শ্বহীদ সপ্তাহ দিৱস হিচাপে উদযাপন কৰি আছে ৷
সম্প্ৰতি এই সমগ্ৰ ঘটনাৰ বিষয়ে আৰক্ষী অধিক তথ্য লাভৰ বাবে অনুসন্ধান অব্যাহত ৰাখিছে ৷
লগতে পঢ়কঃ উৎকণ্ঠাৰ অন্ত : কংগ্ৰেছ এৰি হাতত পদুম তুলি ল’লে সুশান্তই
