বাদগাম, 3 জুন: কাশ্মীৰত উগ্ৰপন্থীৰ টাৰ্গেট হৈছে নেকি বহিঃৰাজ্যৰ শ্ৰমিক? ৰাজস্থানৰ ঘটনা মাৰ নৌযাওঁতেই পুনৰ জম্মু কাশ্মীৰৰ বাদগামত গুলীচালনাৰ ঘটনা (Migrant worker shot dead by terrorists in Budgam) ৷ উগ্ৰপন্থীৰ গুলীত প্ৰাণ হেৰুৱালে বহিঃৰাজ্যৰ এজন শ্ৰমিকে (Migrant worker shot dead by terrorist) ৷
আৰক্ষীসূত্ৰই জনোৱা অনুসৰি বুদগামৰ চাদুৰা তহচিলৰ মাগ্ৰেপোৰা গাঁৱত বহিঃৰাজ্যৰ দুজন ইটা ভাটাৰ শ্ৰমিকৰ ওপৰত উগ্ৰপন্থীয়ে গুলীচালনা কৰে ৷ এজন উত্তৰ প্ৰদেশৰ দিলশাদ আৰু পঞ্জাৱৰ গৰিয়া বুলি আৰক্ষীয়ে জনাইছে (Migrant worker injured shot dead by terrorists) ৷ ততালিকে দুয়োজন আঘাতপ্ৰাপ্ত শ্ৰমিকক চিকিৎসালয়ত ভৰ্তি কৰা হৈছিল যদিও দিলশাদে থিতাতে মৃত্যুবৰণ কৰে ৷
চিকিৎসকে কোৱা অনুসৰি দিলশাদৰ কান্ধত গুলী লাগে আৰু ইফালে গৰিয়াৰ হাতত গুলী লাগি গুলীবিদ্ধ হয় ৷ বৰ্তমান গৰিয়া নামৰ শ্ৰমিকজনক চিকিৎসালয়তে ৰখা হৈছে ৷ গৰিয়াৰ অৱস্থা সুস্থিৰ বুলি চিকিৎসকে জনায় ৷
ইফালে বৃহস্পতিবাৰে পুৱাই জম্মু-কাশ্মীৰৰ কুলগাম জিলাত উগ্ৰপন্থীয়ে ৰাজস্থানৰ এগৰাকী বেংক কৰ্মচাৰীক গুলীয়াই হত্যা কৰে ৷ মৃত লোকজনক ৰাজস্থানৰ বিজয় কুমাৰ বুলি জানিব পৰা গৈছিল ৷ কুলগাম জিলাৰ আৰিয়াহ গাঁও শাখাৰ এটা আঞ্চলিক গ্ৰাম্য বেংকৰ মেনেজাৰ হিচাপে কৰ্মৰত আছিল ৷ মেনেজাৰজনে পুৱা কাৰ্যালয়ত প্ৰৱেশ কৰাৰ সময়তেই দুৰ্বৃত্তই লোকজনক গুলীয়াই হত্যা কৰে ৷
লগতে পঢ়ক : জম্মু-কাশ্মীৰত নিতৌ চলিব 20 টাকৈ সন্ত্ৰাসবাদ বিৰোধী অভিযান
