নিউজ ডেস্ক, 13 নৱেম্বৰ: কেন্দ্ৰীয় গৃহ পৰিক্ৰমা মন্ত্ৰণালয়ে সোমবাৰে বে-আইনী কাৰ্য-কলাপ(প্ৰতিৰোধ) আইন অনুসৰি পাঁচ বছৰৰ বাবে বে-আইনী ঘোষণা কৰে মেইটেই বিদ্ৰোহী সংগঠন আৰু তেওঁলোকৰ বিভিন্ন শাখা-প্ৰশাখা সমূহক ৷ মেইটেই বিদ্ৰোহী সংগঠন কেইটা হৈছে পিপলচ্ লিবাৰেশ্যন আৰ্মী চমুকৈ PLA, ইয়াৰ ৰাজনৈতিক গোট ৰিভলিউশ্যনেৰী পিপলচ্ ফ্ৰন্ট (RPF), ইউনাইটেড নেশ্যনেল লিবাৰেশ্যন ফ্ৰন্ট (UNLF) আৰু ইয়াৰ সশস্ত্ৰ গোট মণিপুৰ পিপলচ্ আৰ্মী (MPA), পিপলচ্ ৰিভলিউশ্যনেৰী পাৰ্টী অৱ কাংলেইপাক (PREPAK) আৰু ইয়াৰ সশস্ত্ৰ ভাতৃ সংগঠন ৰেড আৰ্মী ৷
ইয়াৰোপৰি কাংলেইপাক কমিউনিষ্ট পাৰ্টী (KCP) আৰু ইয়াৰ সশস্ত্ৰ গোট ৰেড আৰ্মী, কাংলেই য়াওল কানবা লোপ (KYKL), সমন্বয় সমিতি (CorCom), এলায়েন্স ফৰ ছ’চিয়েলিষ্ট ইউনিটী কাংলেইপাক(ASUK) আৰু ইয়াৰ আটাইকেইটা শাখাকে পাঁচ বছৰৰ বাবে বে-আইনী ঘোষণা কৰিছে ৷
এক জাননী যোগে কেন্দ্ৰীয় গৃহ মন্ত্ৰণালয়ে ঘোষণা কৰে যে বে-আইনী কাৰ্য-কলাপ প্ৰতিৰোধ আইনৰ ধাৰা 3ৰ অন্তৰ্গত উপধাৰা (3) অনুসৰি এই ব্যৱস্থা কৰা হৈছে ৷ জাননী মতে 13 নৱেম্বৰৰ পৰা অনাগত পাঁচ বছৰলৈ এই সিদ্ধান্ত বাহাল থাকিব ৷ অবৈধ কাৰ্য-কলাপৰ ধাৰা ৩ৰ উপধাৰা (১)ৰ দ্বাৰা প্ৰদান কৰা ক্ষমতা প্ৰয়োগ কৰি এই সিদ্ধান্ত গ্ৰহণ কৰা হৈছে ৷
‘‘অবৈধ কাৰ্য-কলাপ (প্ৰতিৰোধ) আইন, 1967 অনুসৰি কেন্দ্ৰীয় চৰকাৰে মেইটেই উগ্ৰপন্থী সংগঠন অৰ্থাৎ পিপলছ লিবাৰেচন আৰ্মী (PLA) আৰু ইয়াৰ ৰাজনৈতিক শাখা ৰিভলিউশ্যনেৰী পিপলচ্ ফ্ৰণ্ট (RPF), ইউনাইটেড নেশ্যনেল লিবাৰেশ্যন ফ্ৰন্ট (UNLF) আৰু ইয়াৰ সশস্ত্ৰ শাখা, মণিপুৰ পিপলচ্ আৰ্মী (MPA), পিপলচ্ ৰিভলিউশ্যনেৰী পাৰ্টী অৱ কাংলেইপাক (PREPAK) আৰু ইয়াৰ সশস্ত্ৰ শাখা "ৰেড আৰ্মী", কংগলেইপাক কমিউনিষ্ট পাৰ্টি (KCP) আৰু ইয়াৰ সশস্ত্ৰ শাখা "ৰেড আৰ্মী", কাংলেই য়াওল কানবা লুপ (KYKL), সমন্বয় সমিতি (CorCom) আৰু এলায়েন্স ফৰ ছ'চিয়েলিষ্ট ইউনিটি কাংলেইপাক (ASUK)ৰ লগতে তেওঁলোকৰ সকলো দল, শাখা আৰু ফ্ৰণ্ট সংগঠনক অবৈধ সংঘ হিচাপে বুলিও কোৱা হয়," জাননীখনত কোৱা হৈছে ৷
কেন্দ্ৰীয় গৃহ মন্ত্ৰণালয়ে কয় যে এই সকলো মেইটেই উগ্ৰপন্থী সংগঠনৰ লক্ষ্য হৈছে সশস্ত্ৰ সংগ্ৰামৰ জৰিয়তে মণিপুৰক ভাৰতৰ পৰা বিচ্ছিন্ন কৰি স্বাধীন ৰাষ্ট্ৰ প্ৰতিষ্ঠা কৰা আৰু মণিপুৰৰ খিলঞ্জীয়া লোকসকলক এনে বিচ্ছিন্নতাৰ বাবে উচটনি দিয়া । সেই তথ্য লাভ কৰাৰ পিচতেই গৃহ মন্ত্ৰণালয়ে এই সিদ্ধান্ত গ্ৰহণ কৰে ৷
ইয়াৰ উপৰিও এই মেইটেই উগ্ৰপন্থী সংগঠনসমূহে মণিপুৰৰ নিৰাপত্তা বাহিনী, আৰক্ষী আৰু সাধাৰণ নাগৰিকক আক্ৰমণ কৰি হত্যা কৰি লক্ষ্যত উপনীত হ’বলৈ ভাৰতৰ সাৰ্বভৌমত্ব আৰু অখণ্ডতাৰ প্ৰতি ক্ষতিকাৰক কাম-কাজত লিপ্ত হোৱাৰ লগতে সশস্ত্ৰ পন্থা অৱলম্বন কৰি আহিছে ।
"জনসাধাৰণক তেওঁলোকৰ সংগঠনৰ বাবে ধন সংগ্ৰহ কৰিবলৈ ভয় দেখুৱাই ধন দাবী আৰু লুটপাতৰ কাৰ্যত লিপ্ত কৰাই আহিছে ৷ জনমতক প্ৰভাৱিত কৰাৰ বাবে আৰু তেওঁলোকৰ বিচ্ছিন্নতাবাদী লক্ষ্যত উপনীত হোৱাৰ উদ্দেশ্যে অস্ত্ৰ আৰু প্ৰশিক্ষণৰ জৰিয়তে তেওঁলোকৰ সহায় লাভ কৰাৰ বাবে বিদেশী উৎসৰ সৈতে যোগাযোগ ৰাখে এই সংগঠন সমূহে । প্ৰশিক্ষণ আৰু গোপনে অস্ত্ৰ তথা গোলা-বাৰুদ ক্ৰয়ৰ উদ্দেশ্যে চুবুৰীয়া দেশসমূহত শিবিৰ পতা আদি কামতো লিপ্ত হৈ আছে এই সংগঠনসমূহ ৷" গৃহ মন্ত্ৰণালয়ৰ অধিসূচনাত কোৱা হৈছে ৷
মন্ত্ৰণালয়ে আৰু কয় যে মেইটেই উগ্ৰপন্থী সংগঠনসমূহৰ কাৰ্যকলাপক “ভাৰতৰ সাৰ্বভৌমত্ব আৰু অখণ্ডতাৰ বাবে ক্ষতিকাৰক আৰু তেওঁলোক অবৈধ সংগঠন” বুলি গণ্য কৰা হৈছে ।
এই সকলোবোৰ তথ্য বিবেচনা কৰি বিদেশ মন্ত্ৰণালয়ে কয় যে মেইটেই উগ্ৰপন্থী সংগঠনসমূহক তাৎক্ষণিকভাৱে নিয়ন্ত্ৰণৰ প্ৰয়োজনীয়তা আছে ৷ কাৰণ তেওঁলোকে নিজৰ বিচ্ছিন্নতাবাদী, বিধ্বংসী, উগ্ৰবাদী আৰু হিংসাত্মক কাৰ্যকলাপ বৃদ্ধি কৰাৰ বাবে নিজৰ কেডাৰসকলক সংগঠিত কৰাৰ সুযোগ গ্ৰহণ কৰাৰ সন্দেহ কৰা হৈছে ৷
ভাৰতৰ সাৰ্বভৌমত্ব আৰু অখণ্ডতাৰ শত্ৰু শক্তিৰ সৈতে গোপন বুজাবুজি কৰি ৰাষ্ট্ৰবিৰোধী কাৰ্যকলাপৰ প্ৰচাৰ কৰা; সাধাৰণ নাগৰিকক হত্যা কৰা, আৰক্ষী আৰু নিৰাপত্তা বাহিনীৰ লোকক লক্ষ্য কৰি লোৱা; আন্তঃৰাষ্ট্ৰীয় সীমান্তৰ সিপাৰৰ পৰা অবৈধ অস্ত্ৰ-শস্ত্ৰ আৰু গোলা-বাৰুদ ক্ৰয় আৰু প্ৰৱৰ্তন কৰা তথা তেওঁলোকৰ অবৈধ কাৰ্যকলাপৰ বাবে জনসাধাৰণৰ পৰা বিপুল ধন সংগ্ৰহ কৰা বাবে তেওঁলোকক অবৈধ ঘোষণা কৰা হৈছে ৷
লগতে পঢ়ক: Modi to security forces on Diwali: সাহসী জোৱানসকল সীমান্তত থকালৈকে ভাৰত নিৰাপদ; প্ৰধানমন্ত্ৰী মোদী
