চিটাৰা ডেস্ক,১২ জানুৱাৰী : মঙলবাৰে ভাৰতৰ সুকণ্ঠী গায়িকা লতা মংগেশকাৰ আক্ৰান্ত কৰ'ণাত আক্ৰান্ত হৈছিল (Melody Queen Lata Mangeshkar tests covid positive) ৷ লগে লগে তেওঁক মুম্বাইৰ ব্ৰীজ কেণ্ডি হাস্পতালত ভৰ্তি কৰোৱা হয় । ইয়াৰ মাজতে আন এক উদ্বেগজনক খবৰ পোহৰলৈ আহিছে । ক'ভিডত আক্ৰান্ত হোৱাৰ সমান্তৰালকৈ নিউম'নিয়াতো আক্ৰান্ত হৈছে শিল্পীগৰাকী (Lata Mangeshkar suffers from covid and pneumonia)।
হাস্পতালখনৰ চিকিৎসকে জনোৱা মতে আগন্তুক ১০-১২ দিনলৈ নিৰন্তৰ চিকিৎসকৰ নিৰীক্ষণত থাকিব কণ্ঠশিল্পীগৰাকী । বয়সৰ প্ৰতি লক্ষ্য ৰাখি আৰোগ্য হোৱাত কিছু সময়ৰ প্ৰয়োজন হ'ব বুলি উল্লেখ কৰিছে চিকিৎসকে । জানিব পৰা মতে শিল্পীগৰাকীৰ এগৰাকী কৰ্মচাৰী ক'ভিডত আক্ৰান্ত হৈছিল । কৰ্মচাৰীজনৰ সংস্পৰ্শলৈ আহিছিল শিল্পীগৰাকী ।
৯২ বছৰীয়া শিল্পীগৰাকীৰ দেহত ক'ভিডৰ মৃদু লক্ষণ আছিল । বয়সৰ প্ৰতি লক্ষ্য ৰাখি শিল্পীগৰাকীক আইচিইউত ৰখাৰ পৰামৰ্শ দিছিল । ইফালে ২০১৯ চনৰ নৱেম্বৰত, গায়িকাগৰাকীয়ে উশাহ-নিশাহৰ সমস্যাত ভুগিছিল যাৰ বাবে তেওঁক চিকিৎসালয়ত ভৰ্তি কৰোৱা হৈছিল । সেই সময়ত, লতা মংগেশকাৰৰ ভগ্নী ঊষা মংগেশকাৰে কৈছিল যে গায়িকাগৰাকীৰ ভাইৰেল সংক্ৰমণ হৈছিল ।
লগতে পঢ়ক :Lata Mangeshkar tests covid positive : মেলডী কুইন লতা মংগেশকাৰ কৰ’ণাত আক্ৰান্ত
