নেশ্যনেল ডেস্ক, 4 জানুৱাৰী : দেশত অ'মিক্ৰণৰ সংক্ৰমণে ভয়ংকৰ ৰূপ ধাৰণ কৰিছে । বিশেষকৈ মহাৰাষ্ট্ৰ, দিল্লী আদিত ব্যাপক সংক্ৰমিত হোৱা দেখা গৈছে ক'ভিডৰ এই নতুন প্ৰকাৰ । ইয়াৰ মাজতে দিল্লীৰ মুখ্যমন্ত্ৰী অৰবিন্দ কেজৰিৱাল আক্ৰান্ত হৈছে কৰ'ণাত (Arvind Kejriwal tests positive for COVID-19) । মঙলবাৰে দিল্লীৰ মুখ্যমন্ত্ৰী তথা আম আদমী পাৰ্টীৰ (AAP) সভাপতি কেজৰিৱালে এই কথা টুইটযোগে অৱগত কৰে ।
-
I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested
— Arvind Kejriwal (@ArvindKejriwal) January 4, 2022 " class="align-text-top noRightClick twitterSection" data="
">I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested
— Arvind Kejriwal (@ArvindKejriwal) January 4, 2022I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested
— Arvind Kejriwal (@ArvindKejriwal) January 4, 2022
টুইটত উল্লেখ কৰা মতে, তেওঁৰ দেহত সাধাৰণ লক্ষণ আছিল আৰু বৰ্তমান তেওঁ হোম কোৱাৰেণ্টাইনত আছে । যোৱা কেইদিনত তেওঁৰ সংস্পৰ্শলৈ অহা সকলোকে কোৱাৰেণ্টাইনত থকাৰ বাবে আহ্বান জনাইছে মুখ্যমন্ত্ৰীগৰাকীয়ে । ইফালে সোমবাৰৰ দিনটোতে দিল্লীত ৪,০০০ হাজাৰ লোকৰ দেহত ক'ভিড 19 ৰ অৱস্থিতি ধৰা পৰিছে ।
কেজৰিৱালৰ উপৰিও দেশৰ আন এগৰাকী নেতা আক্ৰান্ত হৈছে কৰ'ণাত । জানিব পৰা মতে বিজেপিৰ নেতা মনোজ তিৱাৰীও আক্ৰান্ত হৈছে কৰ'ণাত (Manoj Tiwari tests positive for COVID-19)। তিৱাৰীয়ে জনোৱা মতে জ্বৰ আৰু চৰ্দিৰ লক্ষণে দেখা দিছিল তেওঁৰ দেহত । আনকি স্বাস্থ্যৰ অৱস্থা বেয়া হোৱাৰ বাবে তেওঁ উত্তৰাখণ্ড-ৰুদ্ৰপুৰৰ সভাত উপস্থিত থাকিব পৰা নাছিল বুলিও উল্লেখ কৰে নেতাগৰাকীয়ে ।
আনহাতে, কেন্দ্ৰীয় স্বাস্থ্য মন্ত্ৰালয়ৰ তথ্য অনুসৰি দেশত ক'ভিড আক্ৰান্তৰ সংখ্যা ৩,৪৮,০৮,৮৮৬ গৰাকীলৈ বৃদ্ধি হৈছে । দেশত এতিয়ালৈ অ'মিক্ৰণৰ ১,৮৯২ টা ঘটনা পোহৰলৈ আহিছে । অ'মিক্ৰণত আক্ৰান্ত ৭৬৬ গৰাকী ইতিমধ্যে আৰোগ্য হৈ উঠিছে ।
মহাৰাষ্ট্ৰত সৰ্বাধিক ৫৬৮ টা অ'মিক্ৰণৰ ঘটনা পোহৰলৈ আহিছে । সমান্তৰালকৈ দিল্লীত ৩৮২ আৰু কেৰালাত ১৮৫ গৰাকী লোক ক'ভিডৰ নতুন প্ৰকাৰ অ'মিক্ৰণত আক্ৰান্ত হৈছে । স্বাস্থ্য মন্ত্ৰালয়ৰ মতে দেশত এতিয়াও ক'ভিডৰ ১,৭১,৮৩০ টা সক্ৰিয় ঘটনা আছে ।
সাপ্তাহিক আক্ৰান্তৰ হাৰ ২.০৫ শতাংশ আৰু দৈনিক আক্ৰান্তৰ হাৰ ৩.২৪ শতাংশ । যোৱা ২৪ ঘণ্টাত ১১,০০৭ গৰাকী লোক সুস্থ হৈ উঠিছে আৰু ইয়াৰ লগে লগে দেশত আৰোগ্যৰ সংখ্যা ৩,৪৩,০৬,৪১৪ লৈ বৃদ্ধি হৈছে । বৰ্তমান দেশত আৰোগ্যৰ হাৰ ৯৮.১৩ শতাংশ ।
লগতে পঢ়ক : PM Modi visit to Tripura today : নৰেন্দ্ৰ মোডীৰ ভ্ৰমণৰ পূৰ্বে ত্ৰিপুৰাত কটকটীয়া কৰা হৈছে নিৰাপত্তা