নিউজ ডেস্ক, 8 ফেব্ৰুৱাৰী: ২০১৪ চনৰ পূৰ্বে কংগ্ৰেছ নেতৃত্বাধীন ইউ পি এৰ শাসনৰ ১০ বছৰক “হেৰোৱা দশক” বুলি অভিহিত কৰি বুধবাৰে প্ৰধানমন্ত্ৰী নৰেন্দ্ৰ মোদীয়ে লোকসভাত কংগ্ৰেছৰ ওপৰত তীব্ৰ আক্ৰমণ চলায় ৷ তাৰ পিচত বিজেপিয়ে ধুমুহাৰ দৰে ক্ষমতালৈ অহা দশকটোক আখ্যা দিয়ে "ভাৰতৰ দশক’’ ৷ ৰাষ্ট্ৰপতিৰ ভাষণ সন্দৰ্ভত ধন্যবাদৰ প্ৰস্তাৱৰ বিতৰ্কৰ উত্তৰত প্ৰধানমন্ত্ৰীয়ে কয় যে, ২০১৪ চনৰ আগৰ দশকটো সদায় ‘হেৰোৱা দশক’ হিচাপে স্মৰণীয় হৈ থাকিব ৷ কিন্তু ২০৩০ চনৰ দশক ‘‘ভাৰত দশক’’ হিচাপে পৰিচিত হ’ব (PM Modi slams Congress) ৷
তেওঁ আৰু অভিযোগ কৰে যে বিগত ৯ বছৰত বিৰোধীয়ে গঠনমূলক সমালোচনাৰ পৰা আঁতৰি আহি বাধ্যতামূলক সমালোচনাৰ আশ্ৰয় লৈছে ৷ চৰকাৰৰ সমালোচনা গঠনমূলক হৈ থকাটো নিশ্চিত কৰাৰ পৰিৱৰ্তে ভিত্তিহীন অভিযোগেৰে ৰাইজক বিপথে পৰিচালিত কৰিবলৈ বিৰোধীয়ে সময় নষ্ট কৰাৰ অভিযোগ উত্থাপন কৰে (PM Modi on opposition) ৷
লগতে পঢ়ক: MP Ajit Bhuyan on upper house: উত্তৰ-পূৱৰ প্ৰতি কেন্দ্ৰৰ মনোভাৱক লৈ উচ্চ সদনত প্ৰশ্ন সাংসদ ভূঞাৰ
তেওঁ আৰু অভিযোগ কৰে যে, যেতিয়াই এই উন্নয়ন বিৰোধী দলসমূহৰ অনুকূল নহয়, তেতিয়াই তেওঁলোকে নিৰ্বাচন আয়োগ আৰু উচ্চতম ন্যায়ালয়ৰ দৰে গণতান্ত্ৰিক প্ৰতিষ্ঠানক আক্ৰমণ কৰাৰ আশ্ৰয় লয় ৷ প্ৰধানমন্ত্ৰীয়ে লগতে কয় যে যেতিয়া অৰ্থনৈতিক অগ্ৰগতিৰ বিষয়ে আলোচনা হয় তেতিয়া বিৰোধীয়ে ভাৰতীয় ৰিজাৰ্ভ বেংককো ৰেহাই নিদিয়ে (Lok Sabha news) ৷
" আপোনালোকে নিৰ্বাচনত পৰাস্ত হ'লে ইভিএম আৰু নিৰ্বাচন আয়োগক দোষ দিয়ে ৷ যেতিয়া কোনো ৰায় আপোনালোকৰ পক্ষত নাযায় তেতিয়া আপোনালোকে উচ্চতম ন্যায়ালয়ক সমালোচনা কৰে ৷ যদি দুৰ্নীতিৰ গোচৰৰ তদন্ত চলি আছে তেন্তে আপোনালোকে তদন্তকাৰী সংস্থাসমূহৰ ওপৰত গালি-গালাজ নিক্ষেপ কৰে ৷ যদি সেনাই কোনো শৌৰ্যৰ কাম কৰে তেন্তে আপোনালোকে সশস্ত্ৰ বাহিনীৰ বিৰুদ্ধে অভিযোগ উত্থাপন কৰে (Allegation against armed forces) ৷ অৰ্থনৈতিক প্ৰগতিৰ আলোচনা হ'লে আপোনালোকে ভাৰতীয় ৰিজাৰ্ভ বেংকক সমালোচনা কৰে ৷’’
প্ৰধানমন্ত্ৰীয়ে লগতে কয়, “যোৱা ৯ বছৰত গঠনমূলক সমালোচনাৰ ঠাইত বাধ্যতামূলক সমালোচনা লোৱা হৈছে ৷” কংগ্ৰেছ নেতৃত্বাধীন ইউ পি এ চৰকাৰক সন্ত্ৰাসবাদৰ প্ৰতি উদাৰ বুলি অভিযোগ উত্থাপন কৰি প্ৰধানমন্ত্ৰী নৰেন্দ্ৰ মোদীয়ে কয় যে, ২০০৮ চনৰ সন্ত্ৰাসবাদী আক্ৰমণৰ সময়ত তেওঁলোকৰ সন্ত্ৰাসবাদীক দমন কৰাৰ আশংকাই বৃহৎ পৰিসৰৰ ৰক্তপাতৰ সূচনা কৰিছিল ৷ ২০০৮ চনৰ সন্ত্ৰাসবাদী আক্ৰমণ কোনেও পাহৰিব নোৱাৰে ৷ সন্ত্ৰাসবাদৰ বিৰুদ্ধে ব্যৱস্থা গ্ৰহণৰ ক্ষেত্ৰত তেওঁলোকৰ সাহসহীনতাৰ ফলত ৰক্তৰ নদী বৈছিল আৰু নিৰীহ নাগৰিকে প্ৰাণ হেৰুৱাবলগীয়া হয় ৷ এয়া ইউ পি এৰ অপশাসনৰ সমাৰ্থক ৷’’
লগতে পঢ়ক: Adani Hindenburg controversy: প্ৰধানমন্ত্ৰী মোদীক মৌন বাবা বুলি ক’লে মল্লিকাৰ্জুন খাৰ্গেয়ে
প্ৰধানমন্ত্ৰীয়ে ২০১৪ চনৰ পৰা বিজেপি নেতৃত্বাধীন এন ডি এ চৰকাৰে গ্ৰহণ কৰা বিভিন্ন খণ্ডৰ উন্নয়নমূলক কামৰ এখন দীঘলীয়া তালিকাও দাঙি ধৰে ৷ মোদীয়ে কয় যে বাতৰি কাকতৰ শিৰোনাম আৰু টিভি ভিজুৱেলৰ বাবে নহয় বৰঞ্চ জনসাধাৰণৰ সেৱাৰ প্ৰতি তেওঁলোকৰ নিষ্ঠাৰ বাবেই তেওঁলোকক জনতাই বছৰ বছৰ ধৰি বিশ্বাস কৰে ৷
জনসাধাৰণৰ এই আস্থাইহে আমাৰ বাবে ঢাল হিচাপে কাম কৰে বুলিও কয় মোদীয়ে লগতে কয় যে, তেওঁৰ বিৰোধীসকলৰ ভিত্তিহীন সমালোচনা আৰু গালি-গালাজৰ দ্বাৰা ইয়াক ভেদ কৰিব নোৱাৰি ৷ প্ৰধানমন্ত্ৰীয়ে কয় যে, Covid-19 মহামাৰী আৰু দুৰ্যোগৰ সময়ত যেতিয়া বিশ্বই অস্থিৰতাৰ সন্মুখীন হৈছিল, তেতিয়া ভাৰতলৈ আশাৰে বাট চাইছিল ৷ বিৰোধী দলৰ ওপৰত আন এক আক্ৰমণ কৰি মোদীয়ে কয় যে, "কিন্তু যিসকলে একেবাৰে হতাশ হৈ পৰিছে তেওঁলোকে ভাৰতৰ বৃদ্ধিৰ কাহিনীক অস্বীকাৰ কৰে ৷ তেওঁলোকে ১৪০ কোটি ভাৰতীয়ৰ কৃতিত্ব আৰু সফলতা দেখাত ব্যৰ্থ হয় ৷"
মোদীয়ে লগতে কয় যে, সংকটৰ সময়ত তেওঁ তেওঁলোকৰ কাষত থাকিব বুলি মানুহে ভালদৰেই জানিছিল আৰু লগতে কয় যে "আপোনালোকৰ গালি-গালাজ আৰু অভিযোগৰ সৈতে মানুহে কেনেকৈ একমত হ'ব ৷" বাতৰি কাকতৰ শিৰোনাম বা টিভিৰ ভিজুৱেলৰ বাবে নহয় বৰঞ্চ জনসাধাৰণৰ সেৱাত আমাৰ বছৰ বছৰ ধৰি থকা নিষ্ঠাৰ বাবেই ৰাইজে মোদীক বিশ্বাস কৰে ৷ আনকি প্ৰধানমন্ত্ৰীয়ে ভাষণত আদানী-হিণ্ডেনবাৰ্গ বিবাদৰ কোনো উল্লেখ এৰাই চলিলেও বিৰোধী সাংসদসকলে কোষাগাৰ বেঞ্চৰ "মোডী, মোডী" ধ্বনিৰ প্ৰতিহত কৰিবলৈ " আদানী, আদানী" ধ্বনিৰ আশ্ৰয় লয় ৷
ৰাষ্ট্ৰপতিৰ ভাষণৰ কথা ক'বলৈ গৈ মোদীয়ে কয়, "যেতিয়া ৰাষ্ট্ৰপতিৰ ভাষণ চলি আছিল তেতিয়া একাংশ লোকে এৰাই চলিছিল ৷ আনকি এজন ওখ নেতাই ৰাষ্ট্ৰপতিকো অপমান কৰিলে ৷ অনুসূচীত জনজাতিৰ বিৰুদ্ধে ঘৃণা প্ৰদৰ্শন কৰিছিল ৷ টিভিত যেতিয়া এনেবোৰ কথা কোৱা হ’ল, তেতিয়া ভিতৰৰ গভীৰতাত ঘৃণাৰ ভাৱটো ওলাই আহিল ৷ পিচত চিঠি লিখি নিজকে বচাবলৈ চেষ্টা কৰিছিল ৷"
