নিউজ ডেস্ক, 24 নৱেম্বৰ: বিহাৰৰ কেবাখনো জিলাৰ কাৰাগাৰত মঙলবাৰে পুৱাৰ ভাগত শীৰ্ষ বিষয়াই আকস্মিক অভিযান চলায় ৷ ৰাজ্যখনৰ পাটনা, মধুবনী, বক্সৰ, নালন্দা, খগড়িয়া, হাজিপুৰ আৰু সীতামঢ়ী জিলাৰ জেল সমূহত অভিযান চলোৱা হয় ৷ পুৱা চাৰি বজাত কেবাখনো থানাৰ আৰক্ষীক লগত লৈ আৰক্ষীৰ শীৰ্ষ বিষয়াই জেল সমূহৰ পৰ্যবেক্ষণ কৰে ৷ অভিযানকাৰী দলটোৰ নেতৃত্ব বহন কৰে শীৰ্ষ বিষয়া সুমিত কুমাৰ আৰু ৰাজেশ কুমাৰ মাঝীয়ে ৷
অভিযানকালত বাঢ় জেলৰ পৰা নিচাজাতীয় সামগ্ৰী, চুৰি আৰু লোহাৰ ৰড উদ্ধাৰ কৰে ৷ আনহাতে মোতিহাৰী কেন্দ্ৰীয় জেলতো অভিযান চলোৱা হয় ৷
উল্লেখ্য যে, অভিযান চলোৱা অধিকাংশ জেলতে নিচাজাতীয় সামগ্ৰী, চুৰিৰ লগতে আপত্তিজনক সামগ্ৰী উদ্ধাৰ কৰা হৈছে ৷
লগতে পঢ়ক: লাভ জিহাদঃ পৰিচয় লুকুৱাই বিয়া কৰোৱালে 10 বছৰৰ কাৰাদণ্ড
