নিউজ ডেস্ক, 22 অক্টোবৰঃ ভাৰত-পাকিস্তান সীমান্তত উত্তেজনা অব্যাহত থকাৰ সময়তে পোখৰান ৰেঞ্জত ভাৰতীয় স্থলসেনাৰ শক্তিশালী প্ৰদৰ্শন ৷ পৰম্পৰাগত যুদ্ধনীতিৰ পৰিৱৰ্তে উন্নত আৰু সংহত যুদ্ধনীতিৰ ওপৰত অধিক গুৰুত্ব প্ৰদান কৰি ভাৰতীয় স্থলসেনাই সোমবাৰে অনুষ্ঠিত কৰে এই বিশেষ অনুশীলন ৷
লগতে পঢ়কঃ ভাৰতীয় সেনাই ধ্বংস কৰিলে পাকিস্তানী সেনাৰ মৰ্টাৰ
ভাৰতীয় স্থলসেনাৰ Southern Commandৰ অধীনস্থ Sudarshan Chakra Corpsৰ সহযোগত অনুষ্ঠিত হৈ যায় এই অনুশীলন ৷ অনুশীলনত ব্যৱহাৰ কৰা হয় স্থলসেনাৰ শক্তিশালী টেংক,মাল্টিপল ৰকেট লান্সাৰ,কে নাইন বজ্ৰ টোপ,যুঁজাৰু হেলিকপ্টাৰ,আৰ্মাৰ আৰ্টিলাৰী,এয়াৰ ডিফেন্সকে ধৰি ইনফেন্ট্ৰিৰ শক্তিশালী অস্ত্ৰপ্ৰণালী ৷
পোখৰান ৰেঞ্জত অনুষ্ঠিত হৈ যোৱা অনুশীলনটো তদাৰক কৰে Southern Commandৰ GOC-in-C লেফ. জেন. এছ কে সৈনীয়ে ৷ ইয়াৰ লগতে অনুশীলনটোত উপস্থিত থাকে Sudarshan Chakra Corpsৰ কৰ্পছ কামাণ্ডাৰ লেফ. জেন. যোগেন্দ্ৰ ডিমৰীৰ লগতে স্থলসেনাৰ এয়াৰ ডিফেন্স,এভিয়েশ্বন কৰ্পছ,আৰ্টিলাৰী ৰেজিমেন্টকে ধৰি বহুকেইটা ইউনিট ৷
