নেশ্যনেল ডেস্ক, 8 ডিচেম্বৰ : মঙলবাৰে দেশজুৰি কৃষি আইনৰ বিৰোধিতাৰে কৃষক সংগঠনে আহ্বান জনাইছে 'ভাৰত বন্ধ'ৰ ৷ এই বন্ধক বিৰোধী দলসমূহে সমৰ্থন জনোৱাৰ বিপৰীতে কেন্দ্ৰীয় চৰকাৰে সকলো ৰাজ্য আৰু কেন্দ্ৰীয় শাসিত অঞ্চলত শান্তি-শৃংখলা বৰ্তাই ৰখাৰ লগতে সুৰক্ষা নিশ্চিত কৰিবলৈ নিৰ্দেশনা জাৰি কৰিছে ৷
ভাৰতীয় কৃষাণ ইউনিয়নে (BKU) সোমবাৰে কয় যে, 8 ডিচেম্বৰৰ ভাৰত বন্ধ পুৱা 11 বজাৰ পৰা আৰম্ভ হ'ব আৰু বিয়লি 3 বজাত অন্ত পৰিব, কিয়নো তেওঁলোকে সাধাৰণ জনসাধাৰণক অসুবিধাজনক পৰিস্থিতিত পেলাব বিচৰা নাই ৷
BKU ৰ মুখপাত্ৰ ৰাকেশ তিকেইট কয়, "ভাৰত বন্ধ পুৱা 11 বজাত আৰম্ভ হ'ব আৰু বিয়লি 3 বজাত অন্ত পৰিব ৷"
বন্ধৰ সময়ছোৱাত অত্যাৱশ্যকীয় সামগ্ৰীসমূহৰ যোগান বন্ধ নহয় আৰু কাৰ্যালয়লৈ যোৱাসকলে বিনা বাধাৰে ভ্ৰমণ কৰিব পাৰিব ৷
লগতে পঢ়ক : 'লাভ জেহাদ'ৰ বিৰুদ্ধে কৰ্ণাটকত আইন প্ৰণয়নৰ পৰিকল্পনা
