নতুন দিল্লীত মুখ্যমন্ত্ৰী সোণোৱালক ক'লা পতাকা প্ৰদৰ্শন

ক'লা পতাকাৰ সন্মুখীন মুখ্যমন্ত্ৰী সৰ্বানন্দ সোণোৱাল ৷ কেব বাতিলৰ দাবীৰে দুজনীয়া যুৱকৰ দলে মুখ্যমন্ত্ৰীক উদ্দেশ্যি দিল্লীত প্ৰদৰ্শন কৰিলে ক'লা পতাকা ৷

নেছনেল ডেস্ক,3 নৱেম্বৰঃ নতুন দিল্লীত মংগলবাৰে ক'লা পতাকাৰ মুখামুখী হ'বলগীয়া হয় অসমৰ মুখ্যমন্ত্ৰী সৰ্বানন্দ সোণোৱাল ৷ দিল্লীৰ আছাম হাউচৰ সমীপত বিয়লি দুজনীয়া যুৱকৰ দলে মুখ্যমন্ত্ৰীগৰাকীক উদ্দেশ্যি ক'লা পতাকা প্ৰদৰ্শন কৰে ৷উক্ত ঘটনাটো কেব সন্দৰ্ভত গৃহমন্ত্ৰী অমিত শ্বাহৰ সৈতে বৈঠকত মিলিত হোৱাৰ পূৰ্বে সংঘটিত হয় ৷শেহতীয়াকৈ ঘটনাটো সংঘটিত হোৱাৰ পাছত অসম ভৱনৰ সুৰক্ষা বৃদ্ধি কৰা হৈছে ৷

ইফালে, ক'লা প্ৰদৰ্শন কৰা যুৱক দুজন কৃষক মুক্তি সংগ্ৰাম সমিতিৰ সদস্য-কৰ্মী বুলি এক বিশেষ সূত্ৰযোগে জানিব পৰা গৈছে ৷