মিজোৰাম,25 মে’: সোমবাৰে আইজল চহৰৰ বিভিন্ন অঞ্চলত অসম ৰাইফলছ আৰু আইজল বেটেলিয়নে ড্ৰাগ ফ্ৰী মিজোৰাম ফাউণ্ডেচনৰ সহযোগত স্থানীয় পৰ্যায়ৰ টাস্ক ফ'ৰ্চক (এলএলটিএফ) সহায় কৰিবলৈ এক কাৰ্যসূচী অনুষ্ঠিত কৰে । এই অভিযানৰ উদ্দেশ্য ৰাজ্য চৰকাৰক ক’ভিড মহামাৰীৰ সংক্ৰমণ নিয়ন্ত্ৰণ কৰাৰ ক্ষেত্ৰত সহায় কৰা ৷ লগতে মহামাৰীৰ সৈতে যুঁজ দিয়া ভিএলটিএফসমূহক অত্যাৱশ্যকীয় সামগ্ৰী প্ৰদান কৰা ৷
উল্লেখ্য যে, আইজল বেটেলিয়নৰ দলে ফাউণ্ডেচন ফৰ ড্ৰাগ ফ্ৰী মিজোৰামৰ প্ৰতিনিধিসকলৰ সৈতে আইজলৰ 10 টা এলএলটিএফ পৰিদৰ্শন কৰে আৰু তেওঁলোকক ক’ভিড-19 ৰ সৈতে যুঁজিবলৈ প্ৰয়োজনীয় সামগ্ৰীৰ যোগান ধৰে ।
মহামাৰী কৰ’ণা ভাইৰাছে স্বাস্থ্য সেৱা কৰ্মী, প্ৰথম পৰ্যায়ৰ যোদ্ধা আৰু অন্যান্য কৰ্মীসকলকে ধৰি সকলোৰে জীৱনত প্ৰভাৱ পেলাইছে ৷ কৰ্মৰত এলএলটিএফৰ স্বেচ্ছাসেৱকসকলে ৰাইজক সুৰক্ষিত আৰু সুস্থ কৰি ৰাখিবলৈ অহৰহ কাম কৰিছে ৷ সেয়েহে আইজল বেটেলিয়নে তেওঁলোকক অত্যাৱশ্যকীয় সামগ্ৰী প্ৰদান কৰি কামৰ প্ৰশংসা কৰাৰ লগতে কৃতজ্ঞতা জ্ঞাপন কৰে ।
লগতে পঢ়ক : ব্লেক আৰু হোৱাইট ফাংগাছৰ পাছত এইবাৰ আহিছে ‘য়েল্ল’ ফাংগাছ’
