নিউজ ডেস্ক, 11 ফেব্ৰুৱাৰী : ৰাজধানী দিল্লীৰ দক্ষিণ জিলাৰ আৰক্ষীৰ এন্টি স্নেচিং দলে মটৰ চাইকেল চুৰি চক্ৰৰে জড়িত তিনিজন লোকক পৃথক পৃথক স্থানৰ পৰা গ্ৰেপ্তাৰ কৰিছে ৷ লগতে অভিযুক্ত কেইজনৰ কৱলৰ পৰা অভিযানকাৰী দলটোৱে এখন বুলেটো উদ্ধাৰ কৰিছে ৷
দক্ষিণ দিল্লী আৰক্ষীৰ শীৰ্ষ বিষয়া অতুল কুমাৰ ঠাকুৰে জনোৱা অনুসৰি, এজন লোকে 7 ফেব্ৰুৱাৰীত তেওঁৰ বুলেটখন চুৰি হোৱা বুলি মহৰোলী আৰক্ষী থানাত অভিযোগ দাখিল কৰিছিল ৷ যাৰ পাছতে এন্টি স্নেচিং দলে অভিযান আৰম্ভ কৰি নিতীন নামৰ এজন লোকক আটক কৰিবলৈ সক্ষম হৈছে ৷ যাৰ পাছতে গ্ৰেপ্তাৰ হোৱা নিতীনৰ স্বীকাৰোক্তিৰ ভিত্তিত আন দুজন লোকক গ্ৰেপ্তাৰ কৰাৰ লগতে চুৰি হোৱা বুলেটখনো উদ্ধাৰ কৰে ৷ বৰ্তমান আৰক্ষীয়ে গ্ৰেপ্তাৰ কৰা লোক কেইজনক সোধপোছ অব্যাহত ৰাখিছে ৷
লগতে পঢ়ক: এম্বুলেঞ্চৰ চালকৰ আসনত বিধায়িকা নন্দিতা দাস
