দুৰ্বৃত্তৰ ছুৰিকাঘাতত মৰিয়নীত নিহত এজন যুৱক
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jan 23, 2024, 2:15 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/23-01-2024/640-480-20572502-thumbnail-16x9-mariani.jpg)
যোৰহাট, 23 জানুৱাৰী : মৰিয়নীৰ ডকলঙিয়া চাহ বাগিচাত চাঞ্চল্যকৰ ঘটনা ৷ সোমবাৰে নিশা দুৰ্বৃত্তৰ ছুৰিকাঘাতত নিহত হৈছে এজন যুৱক ৷ নিহত যুৱকজন বাগিচাখনৰ বৰলাইনৰ শংকৰ তেলীৰ পুত্ৰ কাৰ্তিক তেলী (২০) বুলি জানিব পৰা গৈছে ৷ ঘটনা অনুসৰি, ঘৰৰ সন্মুখত ৰৈ থকা অৱস্থাত নিশাৰ ভাগত দুৰ্বৃত্তই ছুৰিৰে আক্ৰমণ কৰে যুৱকজনক ৷
ইফালে আন্ধাৰৰ সুযোগ লৈ ঘটনাস্থলীৰ পৰা পলায়ন কৰে দুৰ্বৃত্ত ৷ উক্ত ঘটনাৰ পাচতে নিশাৰ ভাগত বাগিচাখনৰ বৰলাইনত আতংকময় পৰিৱেশে বিৰাজ কৰে ৷ আনহাতে নিশাৰ ভাগতে ঘটনাস্থলীত মৰিয়নী আৰক্ষী উপস্থিত হৈ তদন্ত আৰম্ভ কৰে ৷ এফালে ৰাম মন্দিৰ প্ৰাণ প্ৰতিষ্ঠাৰ বাবে শোভাযাত্ৰা আৰু আতজবাজী ফুটাই আনন্দ-উল্লাস কৰি থকাৰ মাজতে সোমবাৰে নিশা মৰিয়নিত সংঘটিত হৈছে এই নৃশংস হত্যাকাণ্ডটো ৷
লগতে পঢ়ক : ৰাম মন্দিৰৰ প্ৰাণ প্ৰতিষ্ঠা: নগাঁৱত বৃন্দাবনৰ দলৰ দ্বাৰা ৰামলীলা