লখিমপুৰত কেন্দ্ৰীয় গৃহমন্ত্ৰী অমিত শ্বাহৰ নিৰ্বাচনী প্ৰচাৰ সভা LIVE - Lok Sabha Election 2024

আজি লখিমপুৰত বিজেপি প্ৰাৰ্থী প্ৰদান বৰুৱাৰ হৈ নিৰ্বাচনী প্ৰচাৰ চলাব গৃহমন্ত্ৰী অমিত শ্বাহে ৷ আজি পুৱা ১০.৩০ বজাত নতুন দিল্লীৰ পৰা এখন বিশেষ হেলিকপ্টাৰৰে অসমৰ অভিমুখে উৰা মাৰে কেন্দ্ৰীয় গৃহমন্ত্ৰীগৰাকীয়ে ৷ দুপৰীয়া প্ৰায় ১.৪৫ বজাত তেওঁ চুকুলীভৰীয়াত স্থাপন কৰা অস্থায়ী হেলিপেডত অৱতৰণ কৰে ।ইয়াৰ পাচত হেলিপেডৰ কাষতে আয়োজন কৰা এখন বিশাল নিৰ্বাচনী প্ৰচাৰ সভাত অংশগ্রহণ কৰে কেন্দ্ৰীয় গৃহমন্ত্ৰীগৰাকীয়ে ৷ তেওঁ দলীয় প্রার্থী প্ৰদান বৰুৱাৰ হৈ নিৰ্বাচনী প্ৰচাৰ চলোৱাৰ পাচত বিয়লি ৩.২৫ বজাত হেলিকপ্টাৰযোগে তিনিচুকীয়ালৈ ৰাওনা হ’ব । তিনিচুকীয়াত চলিহা নগৰ খেলপথাৰৰ পৰা জিএনবি পথ হৈ থানা চাৰিআলিলৈকে এক বিশাল ৰেলীত অংশগ্ৰহণ কৰিব আৰু জিএনবি পথৰ কাষে কাষে ৰৈ থকা ২০ হাজাৰ লোকক সম্বোধন কৰিব কেন্দ্ৰীয় গৃহমন্ত্ৰী শ্বাহে ৷