সৰ্থেবাৰীত 7 কিলোগ্ৰাম গাঞ্জাসহ এজনক আটক আৰক্ষীৰ
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jan 23, 2024, 8:47 AM IST
![ETV Thumbnail thumbnail](https://etvbharatimages.akamaized.net/etvbharat/prod-images/23-01-2024/640-480-20572150-thumbnail-16x9-barpeta.jpg)
বৰপেটা, 23 জানুৱাৰী : সৰ্থেবাৰী আৰক্ষীৰ বৃহৎ সফলতা ৷ সোমবাৰে সৰ্থেবাৰী চহৰৰ মাজমজিয়াত জব্দ 7 কিঃগ্ৰাঃ গাঞ্জাসহ এজনক আটক কৰে আৰক্ষীয়ে ৷ ঘটনাৰ সন্দৰ্ভত আৰক্ষীয়ে কয়, গুৱাহাটী মহানগৰীৰ জালুকবাৰীৰ পৰা বাছেৰে বৃহৎ পৰিমাণৰ গাঞ্জাখিনি সৰ্থেবাৰীলৈ আনি আছিল বিবেক নাথ নামৰ যুৱকজনে ৷ বাছৰ পৰা যেতিয়া সৰ্থেবাৰীত নামিছিল তেতিয়াই গাঞ্জাসহ হাতে-লোটে কৰায়ত্ত কৰা হয় বিবেকক ৷
ধৃত বিবেক নাথৰ স্বীকাৰোক্তি অনুসৰি, সৰ্থেবাৰী থানাৰ অন্তৰ্গত বৰ কাপলা গাঁৱলৈ আনিছিল গাঞ্জাখিনি ৷ বৰ কাপলা গাঁৱৰ আন এজন যুৱকক গাঞ্জাখিনি দিবলৈ অনা বুলিও ধৃত বিবেকে আৰক্ষীৰ আগত স্বীকাৰোক্তি প্ৰদান কৰিছে ৷ সম্প্ৰতি আৰক্ষীৰ জেৰা চলি আছে আৰু গাঞ্জা ব্যৱসায়ৰ সৈতে কোন কোন জড়িত হৈ আছে সেই কথা উলিয়াবলৈ আৰক্ষী সক্ষম হ’ব বুলি আশা কৰা হৈছে ৷
লগতে পঢ়ক : মৰিগাঁৱৰ মায়ঙত ভয়ংকৰ অগ্নিকাণ্ড