যাত্ৰীবাহী ৰে’লৰ পৰা জব্দ 24 টনৰো অধিক বাৰ্মিজ চুপাৰী - Burmese supari seized

হোজাই, 28 এপ্ৰিল : আৰক্ষীৰ চকুত ধূলি দি ৰাজ্যত অব্যাহত বাৰ্মিজ চুপাৰিৰ অবৈধ বেহা । বাৰ্মিজ চুপাৰিৰ বিৰুদ্ধে অসম আৰক্ষীয়ে শনিবাৰৰ সন্ধিয়া চলায় অভিযান ৷ অভিযানত আৰক্ষীয়ে জব্দ কৰিবলৈ সক্ষম হয় বৃহৎ পৰিমাণৰ বাৰ্মিজ চুপাৰী ৷

আৰক্ষীয়ে লামডিং ৰে’লৱে ষ্টেচনত শনিবাৰৰ সন্ধিয়া অভিযান চলায় জব্দ কৰিবলৈ সক্ষম হয় 24 টনৰো অধিক বাৰ্মিজ চুপাৰি । শনিবাৰৰ সন্ধিয়া 15909 উজনিমুৱা অৱধ আছাম এক্সপ্ৰেছ ৰে’লখনৰ পাৰ্চেল ডবাৰ পৰা প্ৰায় 300 বস্তাৰো অধিক আনুমানিক 24 টনৰো অধিক বাৰ্মিজ চুপাৰি জব্দ কৰিবলৈ সক্ষম হয় আৰক্ষীয়ে ।

215255/C পাৰ্চেল ডবাৰ পৰা আৰক্ষীয়ে জব্দ কৰিবলৈ সক্ষম হয় উক্ত নিষিদ্ধ বাৰ্মিজ চুপাৰিখিনি । জব্দকৃত বাৰ্মিজ চুপাৰিখিনিৰ আনুমানিক মূল্য প্ৰায় কোটি টকা হ’ব বুলি আৰক্ষীয়ে জানিব দিছে । আৰক্ষীয়ে অবৈধভাবে কঢ়িওৱা বাৰ্মিজ চুপাৰিখিনি ৰে’লখনৰ পৰা উদ্ধাৰ কৰিবলৈ 1 ঘন্টাতকৈও অধিক সময়ৰ প্ৰয়োজন হৈছিল ৷

যাত্ৰীবাহী ৰে’লৰ পৰা জব্দ বৃহৎ পৰিমাণৰ বাৰ্মিছ চুপাৰী

লামডিং ষ্টেচনত ৰে’লখন আৰক্ষীয়ে এঘণ্টাৰো অধিক সময় ধৰি ৰাখি থোৱাৰ বাবে ৰে’লখনত থকা যাত্ৰীসকল সমস্যাৰ সন্মুখীন হৈছিল বুলি জানিব পৰা গৈছে ৷ উল্লেখ্য যে, আৰক্ষীৰ কঠোৰ স্থিতিৰ পাচতো ৰাজ্যত বন্ধ হোৱা নাই বাৰ্মিজ চুপাৰিৰ এই অবৈধ বেহা । আৰক্ষীৰ চকুত ধূলি দি প্ৰতিদিনেই বাৰ্মিজ চুপাৰি সৰবৰাহৰ ক্ষেত্ৰত নিতৌ নতুন কৌশল অৱলম্বন কৰা পৰিলক্ষিত হৈছে চোৰাং সৰবৰাহকাৰীয়ে ৷

এইবাৰ তেনে এক কৌশল অৱলম্বন কৰি যাত্ৰীবাহী ৰে’লেৰে বাৰ্মিজ চুপাৰি সৰবৰাহ কৰাৰ সময়তে লামডিং ৰে’লৱে ষ্টেচনত আৰক্ষীয়ে জব্দ কৰিবলৈ সক্ষম হয় অবৈধভাৱে কঢ়িওৱা বৃহৎ পৰিমাণৰ বাৰ্মিজ চুপাৰিখিনি ।

লগতে পঢ়ক: কৃষ্ণাইত বৃহৎ পৰিমাণৰ চুৰি চুপাৰি উদ্ধাৰ