বৰপেটা, ২ এপ্ৰিল : "ভোটকেন্দ্ৰলৈ গৈ হাতৰ চিন দেখি সংখ্যালঘু ভোটাৰসকলে আবেগিক নহ’ব ৷ আপোনালোকে আবেগিক হৈ আগতেও হাতৰ ছবিত ভোট নিদিয়াকৈ আহিছে ৷ এতিয়া দিন পৰিৱৰ্তন হৈছে ৷" মঙলবাৰে বৰপেটাৰ সংখ্যালঘু অধ্যুষিত পাকাবেতবাৰী সমষ্টিত অগপ-বিজেপি মিত্ৰজোঁটৰ প্ৰাৰ্থী ফণীভূষণ চৌধুৰীয়ে প্ৰচাৰ অভিযানৰ সময়ত এইদৰে মন্তব্য প্ৰকাশ কৰে ৷
- " class="align-text-top noRightClick twitterSection" data="">
ইয়াৰোপৰি প্ৰাৰ্থী ফণীভূষণ চৌধুৰীয়ে খৰিচালা, দাবলীয়াপাৰা, কয়াকুছি আদি ধৰ্মীয় সংখ্যালঘু অধ্যুষিত অঞ্চলত প্ৰচাৰ চলাই কয় যে, এইবাৰ সংখ্যালঘু ভোটাৰে কথা দিছে যে, হাত নহয় হাতীৰ ছবিত ভোট দিব ৷ নিৰ্বাচনত অগপৰ ধৰ্মীয় সংখ্যালঘু সম্প্ৰদায়ৰ পোলিং এজেন্টজনেও অগপক ভোট নিদিয়াৰ নজিৰ আছে ৷ আনকি আজিও সংখ্যালঘু সম্প্ৰদায়ৰ বহু লোকে হিমন্ত বিশ্ব শৰ্মাৰ চৰকাৰখন সংখ্যালঘু বিদ্বেষী বুলি ভাবে ৷ এই কথাটো কিমান সঁচা সেয়া বিচাৰ কৰিব লাগে সংখ্যালঘু ভোটাৰে ৷
চৌধুৰীক সংগ দিয়ে কমল কুমাৰ মেধি, অনিল দাসকে ধৰি কেবাজনো বিজেপি আৰু অগপ নেতাই ৷ ফণীভূষণ চৌধুৰীয়ে লগতে কয় যে, 'আমিও কংগ্ৰেছী আছিলো ৷
পিচে সংখ্যালঘু লোকৰ এটা স্বভাৱ আছে ৷ হাতৰ ছবিটো দেখিলে হাতখন কঁপিবলৈ ধৰে ৷ হাতীৰ ছবিত ভোট দিবলৈ গৈ হাতৰ ছবিত ভোটদান কৰি আহে ৷"
সাংবাদিকৰ আগত ফণীভূষণ চৌধুৰীয়ে কয় যে, ধৰ্মীয় সংখ্যালঘু সম্প্ৰদায়ৰ ভোটাৰসকল অগপ-বিজেপি মিত্ৰজোঁটক সমৰ্থনৰ বাবে মাৰবান্ধি থিয় দিছে ৷ বজালী, বৰপেটা, ভৱানীপুৰ-সৰভোগ সমষ্টিৰ সৈতে পাকাবেতবাৰী সমষ্টিৰ ভোটাৰৰ কম্পিৰিচন হৈছে ৷ এই সমষ্টিকেইটাই যদি 50 ৰ পৰা 60 হাজাৰ ভোটৰ লীড দিব পাৰে তেন্তে পাকাবেতবাৰীৰ পৰাও 50 ৰ পৰা 60 হাজাৰ ভোটৰ লীড দিবলৈ চিন্তা-চৰ্চা চলিছে ৷
লগতে পঢ়ক: কম খৰচত-কম সময়ত বিমানেৰে যাত্ৰা কৰক ভিন্ন স্থানলৈ ! - Travel by Flight at lower price
