গুৱাহাটী, ১৪ মে' : বুধবাৰে গুৱাহাটীৰ বৰ্ষাপাৰা ক্ৰিকেট ষ্টেডিয়ামত ৰাজস্থান ৰয়েলছৰ বিৰুদ্ধে পঞ্জাৱ কিংছ পুনৰ কাৰ্যকৰী প্ৰমাণিত হ'ব । কিয়নো ফ্ৰেঞ্চাইজীটোৱে ছিজনটো ভালদৰে সমাপ্ত কৰিব বিচাৰিছে । প্ৰতিযোগিতাখনত আৰু আগবাঢ়ি যোৱাৱাৰ সুযোগ নথকা সত্ত্বেও পঞ্জাব কিংছ দলটোৱে বিশ্বাস কৰে যে বাকী দুখন মেচ যুৱসকলৰ বাবে নিজকে প্ৰকাশ কৰাৰ বাবে এক স্বাধীনতা থাকিব আৰু তেওঁলোকৰ প্ৰতিযোগিতাত প্ৰভাৱ পেলোৱাৰ এক ভাল সুযোগ হ'ব ।
মঙলবাৰে এক প্ৰাক-মেচ সংবাদমেলত বক্তব্য ৰাখি পঞ্জাব কিংছৰ সহকাৰী প্ৰশিক্ষক ব্ৰড হেডিনে কয় যে দল পৰিচালনা সমিতিয়ে আগন্তুক মেচসমূহত অনভিজ্ঞ খেলুৱৈসকলক সৰ্বাধিক প্ৰকাশৰ সুবিধা দিয়াৰ ওপৰত গুৰুত্ব আৰোপ কৰিছে ।
"আমি বিচাৰোঁ যে তেওঁলোকে সম্পূৰ্ণ স্বাধীনতাৰে খেলক । কাইলৈৰ খেলখন তেওঁলোকৰ বাবে আৰু তেওঁলোকে নিজকে প্ৰকাশ কৰিব । দলটোৰ কম বয়সীয়া ল'ৰাসকলৰ বিকাশৰ বাবে এইটো আন এটা সুযোগ । আমি নিশ্চিত যে তেওঁলোকে এই সুযোগটো গ্ৰহণ কৰিব আৰু তেওঁলোকৰ নিজৰ দক্ষতা অনুযায়ী প্ৰদৰ্শন কৰিব । খেলুৱৈসকলে এই মেচবোৰক বৃহৎ স্ক'ৰ লাভ কৰাৰ সুযোগ হিচাপে চাব লাগিব আৰু আইপিএলত তেনেধৰণৰ প্ৰদৰ্শন কৰিব লাগিব, যাৰ জৰিয়তে তেওঁলোকে আগন্তুক বছৰবোৰ আৰম্ভ কৰিব পাৰে ।" হেডিনে কয় ।
উল্লেখ্য যে চলিত ইণ্ডিয়ান প্ৰিমিয়াৰ লীগ ছিজনত ৰাজস্থান ৰয়েলছ তালিকাৰ শীৰ্ষৰ দলবোৰৰ ভিতৰত অন্যতম । দলটোৱে ধাৰাবাহিকভাৱে বিজয়ী ৰাণ সংগ্ৰহ কৰিছে । ৰিয়ান পৰাগৰ দৰে যুৱসকলে বেটেৰে দৰ্শনীয় প্ৰদৰ্শন আগবঢ়াইছে । সঞ্জু ছেমছনৰ দৰে জ্যেষ্ঠ খেলুৱৈসকলে শীৰ্ষ ক্ৰমত ভাল প্ৰদৰ্শন কৰাৰ লগতে স্পিডষ্টাৰ ট্ৰেণ্ট ব'ল্টৰ নেতৃত্বত এটা বলিং গোটেৰে ৰয়েলছে সকলো বিপক্ষৰ বাবে এক কঠিন প্ৰত্যাহ্বানৰ সৃষ্টি কৰিছে ।
"ৰাজস্থান ৰয়েলছৰ গুণাগুণ আমি জানো । তেওঁলোকে সঁচাকৈয়ে ব'ল্টৰ লগতে কিছু ভাল বলাৰ পাইছে । তাৰে ভিতৰত তেওঁলোকৰ মাজত আছে দুজন মান সম্পন্ন স্পিনাৰ । কিন্তু এইটো গুৰুত্বপূৰ্ণ যে আমি প্ৰক্ৰিয়াটো কেনেদৰে সঠিকভাৱে আগবঢ়াই লৈ যাওঁ । আমি আমাৰ খেলুৱৈসকলৰ বিকাশ অব্যাহত ৰখাৰ ওপৰত গুৰুত্ব আৰোপ কৰিছোঁ ।" হেডিনে কয় ।
উল্লেখ্য যে ২২ বছৰীয়া পৰাগৰ বাবে বুধবাৰৰ দিনটো গুৱাহাটীত অধিক সুবিধাজনক হ'ব পাৰে । কিয়নো তেওঁ গৃহ ৰাজ্যত মেচ খেলিব আৰু পৰিস্থিতিৰ সৈতে পৰিচিত হ'ব । বিস্ফোৰক বেটাৰৰ মোকাবিলা কৰিবলৈ তেওঁলোকৰ ৰণনীতিৰ বিষয়ে সোধাত হেডিনে এক গোপন অস্ত্ৰৰ বিষয়ে প্ৰকাশ কৰে ।
"যদি আপুনি বিগত কেইবছৰমানত ৰিয়ানৰ বিকাশৰ প্ৰতি লক্ষ্য কৰে, তেওঁ ক্ৰমান্বয়ে উন্নত আৰু অধিক উন্নত হৈছে । এই বছৰ তেওঁ মেচ জিকিবলৈ আৰম্ভ কৰিছে । কিন্তু আমি ভাগ্যৱান যে তেওঁক মোকাবিলা কৰিবলৈ আমাৰ ওচৰত এক গোপন অস্ত্ৰ আছে । ৰিয়ানৰ বিৰুদ্ধে আমাৰ কেইটামান পৰিকল্পনা আছে ।" তেওঁ কয় ।
