বিচনাত প্ৰস্ৰাৱ কৰাকে ধৰি এই ৬টা লক্ষণ আপোনাৰ শিশুটিৰ দেহত দেখা দিছে নেকি ?

UTI In Children: প্ৰাপ্তবয়স্ক আৰু শিশু উভয়ৰে ক্ষেত্ৰত ইউটিআই হ’ব পাৰে । কিন্তু বেছিভাগ মানুহেই শিশুৰ ক্ষেত্ৰত ইয়াৰ লক্ষণসমূহ সোনকালে চিনাক্ত কৰিব নোৱাৰে । এনে পৰিস্থিতিত যদি আপোনাৰ সন্তানটিও সৰু হৈ আছে, তেন্তে উক্ত প্ৰতিবেদনত উল্লেখ কৰা প্ৰস্ৰাৱৰ সংক্ৰমণৰ লক্ষণ আৰু প্ৰতিৰোধ পদ্ধতি আজিয়েই জানি লওক ।

Urinary Tract Infection (UTI) হ’ল প্ৰস্ৰাৱৰ সংক্ৰমণ ৷ যিকোনো ব্যক্তিৰ ক্ষেত্ৰতো এই সমস্যা হ’ব পাৰে ৷ কিন্তু পুৰুষ আৰু কিশোৰতকৈ মহিলা আৰু কিশোৰীৰ ক্ষেত্ৰত এই সংক্ৰমণ অধিক হোৱা দেখা যায় ৷ গতিকে শিশুৰ এই সংক্ৰমণৰ লক্ষণসমূহৰ বিষয়ে অভিভাৱকসকলে জনাটো অতি প্ৰয়োজনীয় হৈ পৰে ৷

ৰাষ্ট্ৰীয় স্বাস্থ্য সেৱা (NHS)ৰ তথ্য অনুসৰি শিশুৰ প্ৰস্ৰাৱৰ সংক্ৰমণ (UTI)ৰ বেছিভাগেই পাচনতন্ত্ৰৰ পৰা মূত্ৰনলী (প্ৰস্ৰাৱ নলী)ত প্ৰৱেশ কৰা বেক্টেৰিয়াৰ ফলত হয় ৷ ইয়াৰ এটা গুৰুত্বপূৰ্ণ কাৰণ হ’ল শৌচ কৰাৰ পিছত ব্যক্তিগত অংগসমূহ সঠিকভাৱে পৰিষ্কাৰ নকৰা ৷ কেঁচুৱাৰ ক্ষেত্ৰত তেওঁলোকৰ মলৰ সৰু সৰু কণিকা বেক্টেৰিয়াযুক্ত ইউৰিয়াত প্ৰৱেশ কৰি সংক্ৰমণৰ সৃষ্টি কৰিব পাৰে ৷

শিশুৰ UTIৰ লক্ষণ

• প্ৰস্ৰাৱ কৰাৰ সময়ত কান্দি থকা বা অস্বস্তি হোৱা
• নিয়ন্ত্ৰণৰ অভাৱত বিচনাত প্ৰস্ৰাৱ কৰা
• কোনো কাৰণ নোহোৱাকৈ জ্বৰ
• ক’লা প্ৰস্ৰাৱ বা দুৰ্গন্ধ
• পেটৰ তলৰ অংশত বিষ হয়
• ভোক কমি যোৱা বা বমি হোৱা

প্ৰতিৰোধমূলক ব্যৱস্থা-

মাজে মাজে শিশুক প্ৰস্ৰাৱ কৰাব লাগে ৷নিয়মীয়াকৈ শিশুক প্ৰস্ৰাৱ কৰাব লাগে, ইয়াৰ ফলত প্ৰস্ৰাৱ নলীত বেক্টেৰিয়া জমা হোৱাত বাধা আহিব ৷

পৰিষ্কাৰ-পৰিচ্ছন্নতাৰ যত্ন লওক

শিশুৰ ব্যক্তিগত অংশৰ পৰিষ্কাৰ-পৰিচ্ছন্নতাৰ যত্ন ল’লে আপুনি ইউটিআইৰ আশংকা হ্ৰাস কৰিব পাৰে ৷ বিশেষকৈ শৌচ কৰাৰ পিছত মনত ৰাখিব যে ব্যক্তিগত অংশ সন্মুখৰ পৰা পিছলৈ মচিব লাগে ৷

ঢিলা কাপোৰ পিন্ধিব লাগে

শিশুক টাইট ফিটিং আণ্ডাৰগাৰ্মেণ্ট পিন্ধিবলৈ বাধ্য কৰাব নালাগে ৷ ইয়াৰ বাবে বায়ু চলাচল সঠিকভাৱে নহয়, যাৰ ফলত পিছলৈ ইউটিআই সংক্ৰমণ হয় ৷

পৰ্যাপ্ত পৰিমাণে পানী খাব

শৰীৰৰ পৰা শৰীৰৰ আৱৰ্জনা আঁতৰাবলৈ পৰ্যাপ্ত পৰিমাণৰ পানী খোৱাটো অতি প্ৰয়োজনীয় ৷ এনে পৰিস্থিতিত শিশুক প্ৰস্ৰাৱৰ সংক্ৰমণৰ পৰা ৰক্ষা কৰিবলৈ পৰ্যাপ্ত পৰিমাণৰ তৰল পদাৰ্থ দিব লাগে ৷ ইয়াৰ লগতে শিশুসকলক সুষম আহাৰ গ্ৰহণ কৰক আৰু জাংক ফুড পৰিহাৰ কৰক ৷

ডায়েপাৰ পিন্ধি থকাৰ সময়ত এই কথা মনত ৰাখিব

ডায়েপাৰ সলনি কৰাৰ সময়ত সন্মুখৰ পৰা পিছলৈ পৰিষ্কাৰ কৰক ৷ বিশেষকৈ কন্যা শিশুৰ বাবে এই কথা মনত ৰাখিব ৷

লগতে পঢ়ক: আঙুৰ নে কিচমিচ ? কোনবিধ স্বাস্থ্যৰ বাবে অধিক উপকাৰী জানি লওক