চিটাৰা ডেক্স, 26 মে’ : শেহতীয়াকৈ নাতাশা ষ্টেনকভিচ আৰু হাৰ্দিক পাণ্ডিয়াৰ বিবাহ বিচ্ছেদৰ বাতৰিয়ে সৰ্বত্ৰে ব্যাপক চৰ্চা লাভ কৰিছে ৷ দম্পতীটোৰ বিবাহ বিচ্ছেদৰ উৰাবাতৰিটোৱে অনুৰাগীসকলক হতবাক কৰি তুলিছে ।
সামাজিক মাধ্যমৰ অনুৰাগীসকলৰ মতে, হাৰ্দিক আৰু নাতাশাই বিগত কেইমাহমানৰ পৰা ইজনে সিজনৰ ফটো সামাজিক মাধ্যমত শ্বেয়াৰ কৰা নাই । অনুৰাগীসকলে দীৰ্ঘদিন ধৰি তেওঁলোক দুয়োৰে একেলগে ছবি দেখা নাই ।
আই পি এল 2024 ত হাৰ্ডিকৰ খেলৰ সময়তো নাতাশা উপস্থিত নাছিল । এইসমূহ লক্ষণে দুয়োৰে বিবাহ বিচ্ছেদৰ খবৰৰ ক্ষেত্ৰত সন্দেহৰ সৃষ্টি কৰিছিল অনুৰাগীৰ মনত ৷
এই উৰাবাতৰিসমূহৰ মাজতে নাতাশাই নিজৰ ইনষ্টাগ্ৰাম হেণ্ডেলত এটা পোষ্ট শ্বেয়াৰ কৰিছে ৷ ইয়াৰ পিচতে সামাজিক মাধ্যমত তোলপাৰ লাগিছে ৷ এই ষ্ট’ৰীয়ে যেন দুয়োৰে বিবাহ বিচ্ছেদৰ বাতৰি সঁচা বুলি প্ৰমাণিত কৰিছে ৷
ষ্ট’ৰীটোত থকা ছবিখনত যীশু আৰু এটা ভেড়াৰ আভাস দেখুওৱা হৈছে । ভগৱান যীশুৱে এটা ভেড়াক অনুসৰণ কৰি পিচে পিচে গৈ আছে । অৱশ্যে, নাতাশাই ছবিখনৰ কেপশ্যন দিয়া নাই ৷ যাতে ছবিখন পোষ্ট কৰাৰ আঁৰত তেওঁলোকৰ মানসিক অৱস্থাৰ বিষয়ে কোনো জ্ঞাত নহয় । কিন্তু অনুৰাগীসকলে ছবিখনৰ পৰা অনুমান কৰিবলৈ আৰম্ভ কৰিছে ৷
ইফালে শনিবাৰে নাতাশাক দিশা পাটানিৰ সৈতে নাম সাঙোৰ খোৱা আলেকজেণ্ডাৰ এলেক্সলিকৰ সৈতে দেখা গৈছিল । দুয়ো খাদ্য খাবলৈ এখন ৰেষ্টোৰাত উপস্থিত হৈছিল । ৰেষ্টোৰাৰ পৰা ওলাই যাওঁতে পাপাৰাজীয়ে দুয়োকে কেমেৰাত বন্দী কৰিছিল ।
এই সময়চোৱাত এজন পাপাৰাজীয়ে নাতাশাক তেওঁলোকৰ বিবাহ বিচ্ছেদৰ উৰাবাতৰিৰ বিষয়ে সুধিছিল । তেতিয়া তেওঁ এই সন্দৰ্ভত মন্তব্য প্ৰকাশ কৰিবলৈ অস্বীকাৰ কৰিছিল । তেওঁ মাথোঁ হাঁহি, 'ধন্যবাদ' বুলি কৈয়েই আৰু তেওঁৰ গাড়ীৰ ফালে খোজ ল’লে ৷
নাতাশা আৰু হাৰ্দিকে যোৱা চাৰি বছৰ পূৰ্বে বিবাহপাশত আৱদ্ধ হয় । দম্পতীটোৱে কৰ’ণা কালত বিবাহপাশত আৱদ্ধ হৈছিল । দম্পতীটোৱে 2020 চনৰ 1 জানুৱাৰীত বাগদান কৰে, তাৰ পিচতে দুয়োয়ে সামাজিক ৰীতি-নীতি অনুসৰি বিবাহপাশত আৱদ্ধ হয় ৷
লগতে পঢ়ক: জীৱনৰ বাটত সংগ এৰিলে নেকি হাৰ্দিক পাণ্ডিয়া-নাতাশা ষ্টেনকভিচে ? - Natasa Hardik Pandya divorce
