চিটাৰা ডেস্ক, 16 মে’: কাৰ্তিক আৰিয়ানে তেওঁৰ আগন্তুক খেল ভিত্তিক ছবি চন্দু চেম্পিয়নক লৈ দৰ্শকৰ মাজত উৎকণ্ঠা বৃদ্ধি কৰিছে ৷ কাৰ্তিকে এখন মনোমোহা নতুন পোষ্টাৰ শ্বেয়াৰ কৰিছে য’ত এই চৰিত্ৰটোৰ বাবে তেওঁৰ দৈহিক ৰূপান্তৰ পৰিলক্ষিত হৈছে । কবীৰ খানৰ পৰিচালনাত এই ছবিখন বাস্তৱ জীৱনৰ স্থিতিস্থাপকতা আৰু দৃঢ়তাৰ কাহিনীৰ আধাৰত নিৰ্মাণ কৰা হৈছে ৷ ঈদৰ পূৰ্বে ২০২৪ চনৰ ১৪ জুনত ছবিখন মুক্তি পোৱাৰ কথা ।
তেওঁৰ আহিবলগীয়া ছবি চন্দু চেম্পিয়নৰ ট্ৰেইলাৰ মুক্তিৰ আগতে অনুৰাগীসকলৰ আগ্ৰহ বৃদ্ধি কৰাৰ লক্ষ্যৰে কাৰ্তিক আৰ্য়ানে বহু প্ৰত্যাশিত ক্ৰীড়া ছবিখনৰ এখন নতুন পোষ্টাৰ আপলোড কৰে ৷ পোষ্টখন দেখি সকলো আচৰিত হৈ পৰে । ইনষ্টাগ্ৰামত শ্বেয়াৰ কৰা পোষ্টটোত তীব্ৰ ৰূপত দেখা গৈছে কাৰ্তিকক ৷
পোষ্টাৰখনত ক'লা শ্বৰ্টছ আৰু বক্সিং হাতমোজা পিন্ধি কাৰ্তিকক বক্সিং ৰিঙত থিয় হৈ থকা দেখা গৈছে । তেওঁৰ মুখত এটা সৰু আঘাতৰ চিন আছে আৰু তেওঁ মাউথগাৰ্ডো পিন্ধি আছে । "জীৱনৰ ৰিঙত আপুনি চেম্পিয়ন হ'বলৈ আপোনাৰ শেষ উশাহলৈকে যুঁজ দি থাকিব লাগিব । চেম্পিয়ন আ ৰহা হে...," পোষ্টাৰখন শ্বেয়াৰ কৰি এইদৰে লিখে তেওঁ । অনুৰাগী আৰু ছবিজগতৰ বন্ধুসকলে তেওঁ নতুনকৈ আপলোড কৰা পোষ্টাৰখন দেখি তেওঁলোকৰ উৎকণ্ঠা প্ৰকাশ কৰে ৷
কবীৰ খানৰ দ্বাৰা পৰিচালিত চন্দু চেম্পিয়ন এজন খেলুৱৈৰ অবিশ্বাস্য সঁচা কাহিনী ৷ জীৱন যুঁজত কেতিয়াও পৰি নোযোৱা মনোভাৱ ইয়াত দেখুওৱা হৈছে । কাৰ্তিকে চন্দুৰ মুখ্য চৰিত্ৰত অভিনয় কৰিছে । তেওঁৰ চৰিত্ৰটোৰ বাবে অভিনেতাজনে বহু কষ্টৰ মাজেৰে এক উল্লেখনীয় পৰিৱৰ্তন আনিছে ৷ চলচ্চিত্ৰখনৰ ট্ৰেইলাৰটো ১৮ মে'ত মুক্তি দিয়াৰ কথা আৰু ছবিখন ২০২৪ চনৰ ১৪ জুনত ছবিগৃহত মুক্তি পোৱাৰ কথা ।
চন্দু চেম্পিয়নৰ উপৰিও, কাৰ্তিকৰ হাতত ভুল ভুলেইয়া 3 আছে, যি হৈছে এখন ভৌতিক কৌতুকধৰ্মী ছবি ৷ আনিস বাজমীৰ দ্বাৰা পৰিচালিত এই ছবিখন জনপ্ৰিয় ফ্ৰেঞ্চাইজিৰ তৃতীয় ভাগ, যি 2024 চনৰ দেৱালীত ছবিগৃহত মুক্তি পাব । বিদ্যা বালান আৰু তৃপ্তি ডিমৰীয়েও মুখ্য চৰিত্ৰত অভিনয় কৰিছে । অনুৰাগ বসুৰ দ্বাৰা পৰিচালিত আশ্বিকী ৩ আৰু হংসল মেহতাৰ কেপ্টেইন ইণ্ডিয়াতো তেওঁক দেখিবলৈ পোৱা যাব ।
লগতে পঢ়ক : গ্ল’বেল প্লেটফৰ্মত শেহতীয়া কি বিশেষ কৃতিত্বৰে জিলিকিল দীপিকা পাডুকন ? - Deepika Padukone
