নিউজ ডেস্ক, 28 এপ্ৰিল : ভাৰতীয় নিৰ্বাচন আয়োগে আউটাৰ মণিপুৰ (Outer Manipur) সংসদীয় সমষ্টিৰ ছটা ভোটকেন্দ্ৰত অনুষ্ঠিত হোৱা নিৰ্বাচনক বাতিল কৰি 30 এপ্ৰিলত এই কেন্দ্ৰসমূহত নতুনকৈ নিৰ্বাচন অনুষ্ঠিত কৰাৰ কথা ঘোষণা কৰে ৷
"ভাৰতৰ নিৰ্বাচন আয়োগে জনপ্ৰতিনিধিত্ব আইন, 1951ৰ ধাৰা 58(2) আৰু 58এ(2)ৰ অধীনত 2024 (শুকুৰবাৰে) 2- আউটাৰ মণিপুৰ (এছ টি) সংসদীয় সমষ্টিৰ তলৰ তালিকাত তালিকাভুক্ত 6 টা ভোটকেন্দ্ৰৰ সন্দৰ্ভত লোৱা ভোটগ্ৰহণ বাতিল আৰু 30 এপ্ৰিল, 2024 (মঙলবাৰ)ক এই ভোটগ্ৰহণ কেন্দ্ৰসমূহত নতুনকৈ ভোটগ্ৰহণ অনুষ্ঠিত কৰাৰ তাৰিখ হিচাপে নিযুক্তি দিয়া হ'ল আৰু পুৱা 7 বজাৰ পৰা বিয়লি 4 বজালৈ ভোটগ্ৰহণৰ সময় থাকিব ৷”
- " class="align-text-top noRightClick twitterSection" data="">
মুখ্য নিৰ্বাচনী বিষয়া প্ৰদীপ কুমাৰ ঝাই লগতে এই ভোটকেন্দ্ৰসমূহৰ ভোটাৰসকলক তেওঁলোকৰ ভোটাধিকাৰ সাব্যস্ত কৰিবলৈ বৃহৎ সংখ্যাত ওলাই আহিবলৈ আহ্বান জনায় ৷ ৰাজ্যখনৰ আউটাৰ মণিপুৰ সমষ্টিৰ 13 টা বিধানসভা খণ্ডই শুকুৰবাৰে দ্বিতীয় পৰ্যায়ৰ ভোটগ্ৰহণত ভোটদান কৰাৰ লগে লগে মণিপুৰত 2024 চনৰ লোকসভাৰ ভোটদান সমাপ্ত হৈছিল ৷
ইয়াৰ পূৰ্বে, 19 এপ্ৰিলত প্ৰথম পৰ্যায়ৰ ভোটগ্ৰহণৰ সময়ত একাধিক হিংসাত্মক ঘটনা সংঘটিত হোৱাৰ পিচত 22 এপ্ৰিলত ইনাৰ মণিপুৰ (Inner Manipur) সমষ্টিৰ 11 টা ভোটকেন্দ্ৰত পুনৰ ভোটগ্ৰহণ অনুষ্ঠিত হৈছিল ৷ দুষ্কৃতিকাৰীয়ে গুলীচালনা কৰাৰ উপৰিও ই ভি এম পৰ্যন্ত ধ্বংস কৰিছিল ৷ 9 এপ্ৰিলৰ দিনা মণিপুৰত ভোটাৰৰ সংখ্যা 69 শতাংশতকৈও অধিক আছিল । পৰৱৰ্তী অৰ্থাৎ তৃতীয় পৰ্যায়ৰ ভোটগ্ৰহণ ৭ মে'ত অনুষ্ঠিত হ'ব। ৪ জুনত ভোট গণনা অৰ্থাৎ ফলাফল ঘোষণা কৰা হ'ব।
লগতে পঢ়ক : দিল্লী প্ৰদেশ কংগ্ৰেছৰ সভাপতি অৰবিন্দৰ সিং লাভলীৰ পদত্যাগ - Lok Sabha Election 2024
