প্ৰেমত বিফল হৈ প্ৰেমিকৰ আত্মহত্যাৰ বাবে প্ৰেমিকা দোষী নহয়: দিল্লী উচ্চ ন্যায়ালয়ৰ ঐতিহাসিক ৰায় - delhi hc on lovers suicide

নিউজ ডেস্ক, ১৮ এপ্ৰিল : প্ৰেমত বিফল প্ৰেমিকৰ ক্ষেত্ৰত উচ্চ ন্যায়ালয়ৰ এক ঐতিহাসিক সিদ্ধান্ত । প্ৰেমত বিফলতাৰ বাবে যদি কোনো প্ৰেমিকে আত্মহত্যা কৰে তেনে ক্ষেত্ৰত পুৰুষজনৰ আত্মহত্যাত উদগনি দিয়াৰ বাবে মহিলাগৰাকীক দোষী সাব্যস্ত কৰিব নোৱাৰি । দিল্লী উচ্চ ন্যায়ালয়ে এই কথা জনায় ।

নিজৰ ৰায় প্ৰদান কৰি ন্যায়াধীশ অমিত মহাজনে কয় যে দুৰ্বল মনৰ ব্যক্তি এজনে লোৱা ভুল সিদ্ধান্তৰ বাবে আন কোনো ব্যক্তিক আত্মহত্যাত উদগনি দিয়াৰ বাবে দোষী সাব্যস্ত কৰিব নোৱাৰি । "যদি প্ৰেমত বিফলতাৰ বাবে প্ৰেমিকে আত্মহত্যা কৰে, পৰীক্ষাত দুৰ্বল প্ৰদৰ্শনৰ বাবে এগৰাকী ছাত্ৰীয়ে আত্মহত্যা কৰে, যদি এজন গোচৰীয়াই তেওঁৰ গোচৰ খাৰিজ হোৱাৰ বাবে আত্মহত্যা কৰে, তেনেক্ষেত্ৰত মহিলা, পৰীক্ষক, উকীলক আত্মহত্যাৰ বাবে প্ৰৰোচিত কৰাৰ বাবে দোষী সাব্যস্ত কৰিব নোৱাৰি ।

"দুৰ্বল মানসিকতাৰ ব্যক্তি এজনে লোৱা ভুল সিদ্ধান্তক আন এজন ব্যক্তিৰ আত্মহত্যাত উদগনি দিয়াৰ বাবে দোষী সাব্যস্ত কৰিব নোৱাৰি ।" ন্যায়াধীশ মহাজনে আত্মহত্যা কৰা ব্যক্তিজনৰ পিতৃৰ অভিযোগত দাখিল কৰা আত্মহত্যাৰ গোচৰত প্ৰৰোচিত পুৰুষ আৰু এগৰাকী মহিলাক আগতীয়া জামিন প্ৰদান কৰাৰ সময়ত এই মন্তব্য কৰে । উল্লেখ্য যে এগৰাকী মহিলা আবেদনকাৰী মৃতকৰ সৈতে প্ৰেমৰ সম্পৰ্কত আছিল । আনজন আবেদনকাৰী এজন সাধাৰণ বন্ধু আছিল । অভিযোগ কৰা হয় যে আবেদনকাৰীসকলে মৃতকক এইবুলি কৈ প্ৰৰোচিত কৰিছিল যে তেওঁলোকৰ ইজনে সিজনৰ সৈতে শাৰীৰিক সম্পৰ্ক আছিল আৰু সোনকালেই বিবাহপাশত আবদ্ধ হ'ব ।

এইক্ষেত্ৰত দিল্লী উচ্চ ন্যায়ালয়ে ৰায় দিয়ে যে যদি প্ৰেমত বিফলতাৰ বাবে প্ৰেমিকে আত্মহত্যা কৰে আৰু তেওঁ চুইচাইড নোটত নাম লয়, তেন্তে কেৱল ইয়াৰ ভিত্তিতে আত্মহত্যাৰ বাবে প্ৰৰোচিত কৰাৰ গোচৰ আৰম্ভ কৰিব নোৱাৰি । ন্যায়াধীশ অমিত মহাজনৰ বিচাৰপীঠে এগৰাকী যুৱক আৰু যুৱতীক আগতীয়া জামিন প্ৰদান কৰাৰ সময়ত এই মন্তব্য কৰে ।

উল্লেখ্য যে বিবেক বিহাৰ আৰক্ষী থানাত 6 মে', 2023 তাৰিখে পঞ্জীয়ন কৰা এখন এজাহাৰত এজন ল'ৰা আৰু এজনী ছোৱালীৰ বিৰুদ্ধে আত্মহত্যাৰ বাবে প্ৰৰোচিত কৰাৰ অভিযোগত গোচৰ ৰুজু কৰা হয় । এইক্ষেত্ৰত মৃতকৰ পিতৃয়ে অভিযোগ দাখিল কৰে যে ল'ৰা-ছোৱালী দুগৰাকীয়ে তেওঁৰ পুত্ৰক আত্মহত্যা কৰিবলৈ উদগনি দিছিল । অভিযোগ অনুসৰি, গুৰুগ্ৰামত যোৱা বছৰৰ 29 এপ্ৰিলত মৃতকৰ সৈতে তেওঁলোকৰ কাজিয়া হৈছিল । আনহাতে, কাজিয়াৰ পিচদিনা ৩০ এপ্ৰিলত মৃত ব্যক্তিজনে আত্মহত্যা কৰে আৰু চুইচাইড নোটত তেওঁৰ মৃত্যুৰ বাবে ল'ৰা-ছোৱালী দুগৰাকীক দোষী বুলি উল্লেখ কৰা হয় । এই গোচৰৰ উচ্চ ন্যায়ালয়ত শুনানিৰ সময়ত আবেদনকাৰী ছোৱালীজনীয়ে কয় যে তেওঁৰ আচৰণ আৰু নিৰ্যাতনৰ বাবেহে তেওঁ মৃতকৰ সৈতে তেওঁৰ সম্পৰ্ক সমাপ্ত কৰিছিল ।

লগতে পঢ়ক :ছত্তীশগড়ৰ বস্তাৰত নিৰ্বাচন বিৰোধী কাৰ্যকলাপ মাওবাদীৰ - Lok Sabha Election 2024