جے پور نگر نگم میں 250 وارڈز کے لیے دو مراحل میں ووٹنگ ہوں گی۔ پہلے مرحلے کی ووٹنگ 29 اکتوبر اور دوسرے مرحلے کی ووٹنگ یکم نومبر کو ہوگی۔
کانگریس اور بی جے پی دونوں ہی جیت کے لیے رات دن محنت کر رہی ہیں حالانکہ ابھی دونوں پارٹیوں کی جانب سے امیدواروں کے ناموں کا اعلان نہیں کیا گیا ہے۔
جے پور ضلع کلکٹر انتر سنگھ کا کہنا ہے کہ ایس سی ایس ٹی کی نشست کو ریزرو رکھا گیا ہے۔ ضلع کلکٹر کے مطابق انتخابات میں جو بھی کورونا کو لے کر گائیڈ لائن جاری کی گئی ہے۔ اس کا خاص طور پر خیال رکھا جائے گا۔
واضح رہے کہ انتخابات کو لے کر راجستھان کی گہلوت حکومت کی جانب سے ہائی کورٹ کا دروازہ کھٹکھٹایا گیا تھا اور یہ گزارش کی گئی تھی کہ کورونا وباء کے مد نظر ابھی انتخابات مکمل نا کروائے جائے اور جب کورونا کا قہر کم ہو جائے تو یہ انتخاب مکمل ہو لیکن کورٹ کی جانب سے اس بات کو صاف طور پر انکار کر دیا گیا جس کے بعد ریاستی حکومت کی جانب سے سپریم کورٹ کا دروازہ کھٹکھٹایا گیا لیکن وہاں پر بھی یہی بات کہی گئی۔
