اجمیر: کرنٹ لگنے سے گائے کی موت

اجمیر ڈویژن کے سب سے بڑے اسپتال کے قریب ٹرانسفارمر کی کھلی کیبل کے زد میں آنے سے گائے کی موت ہوگئی۔

ریاست راجستھان کے شہر اجمیر میں واقع اسپتال کے مین گیٹ کے قریب ایک گائے، ٹرانسفارمر کی کھلی کیبل کو چبانے لگی جس کے بعد گائے کی موقع پر ہی موت ہو گئی۔

مقامی باشندہ سنجے سینی کے مطابق محکمہ بجلی اور میونسپل کارپوریشن کی غفلت کی وجہ سے شہر بھر میں اس طرح کے حادثے پیش آتے ہیں۔
بارش کا موسم اور کھلی بجلی کے تاروں کی وجہ سے کسی نا کسی حادثہ کا سبب بن جاتا ہے۔

مقامی لوگوں کا کہنا ہے کہ اگر ضلع انتظامیہ جلد ہی شہر بھر میں حادثہ والے علاقوں کی دیکھ بھال نہیں کرتا ہے تو پھر آئے دن اسی طرح کے واقعات دیکھنے کو ملیں گے۔