اورنگ آباد: ہمیشہ سرخیوں میں رہنے والے مہاراشٹر کے وزیر عبدالستار کے پاس سے زراعت کا قلمدان واپس لے لیا گیا ہے۔ اجیت پوار کے کٹر حامی بیٹر سے دھنجے منڈے نئے وزیر زراعت بنائے گئے۔ عبدالستار بطور وزیر زراعت بہت متنازع رہے تھے۔ ان پر بدعنوانی کے الزامات بھی لگے تھے۔ اس پس منظر میں انہیں ہٹا دیا گیا ہے ۔اب امید ظاہر کی جا رہی ہے جس کے وزیر زراعت دھنج منڈے اس محکمہ کے ساتھ انصاف کریں گے اور کسانوں کے مسائل حل کریں گے۔
عبدالستار اب قلیتوں، اوقاف کے وزیر بن گئے ہیں۔ صحافیوں سے بات کرتے ہوئے عبدالستار نے کہا کہ میں محکمہ بدلنے پر بالکل ناراض نہیں ہوں دراصل میں نے ناگپور اجلاس میں وزیر اعلیٰ اور نائب وزیر اعلیٰ سے محکمہ کو تبدیل کرنے کی درخواست کی تھی۔ یہ مطالبہ مان لیا گیا ہے۔ اب اقلیتی محکمہ میں کام کرنے کا موقع ملنے سے اچھا کام ہوگا۔این سی پی میں بڑے پیمانے پر تقسیم کے بعد اجیت پوار شندے۔فڑنویس حکومت میں شامل ہوئے۔ انہیں نائب وزیر اعلیٰ کا عہدہ بھی دیا گیا۔ ان کے ساتھ دیگر ایم ایل ایز نے بھی وزارتی عہدہ کا حلف لیا، شندے-فڑنویس حکومت کے کئی وزراء کو اپنے قلمدان بدلنے پڑے۔