اپنی پارٹی کا مقصد سماج کو متحد کرنا ہے: سید محمد الطاف بخاری

ضلع جموں میں اپنی پارٹی کے صدر سید محمد الطاف بخاری نے ایک جلسے کو خطاب کرتے ہوئے کہا کہ وادی کشمیر میں عام لوگوں کی ترقی سے ہی خوشحالی آ سکتی ہے۔ اس کے لیے امن و امان قائم کرنے کی ضرورت ہے۔ Apni Party In Jammu And Kashmir

جموں: مرکز کے زیر انتظام یوٹی جموں و کشمیر کے جموں کے گاندھی نگر میں واقع پارٹی دفتر میں اپنے حامیوں کو خطاب کرتے ہوئے اپنی پارٹی کے صدر سید محمد الطاف بخاری نے آج کہا کہ ان کی پارٹی کا مقصد جموں و کشمیر میں اتحاد اور مساوی ترقی کی پالیسی کے ساتھ بھائی چارہ اور فرقہ وارانہ ہم آہنگی کی حوصلہ افزائی کرتے ہوئے برادریوں کو متحد کرنا ہے۔

انہوں نے کہا کہ اپنی پارٹی ترقی اور سماج میں بھائی چارہ لانے کے ایجنڈے نے لوگوں کی توجہ اپنی طرف مبذول کرانے میں کامیابی ملی ہے۔ مستقبل میں بھی ہمیں اپنے مقصد میں کامیابی ملے گی۔ ان کا کہنا ہے کہ علاقائی سیاسی جماعتوں نے جموں اور کشمیر کے لوگوں سے ووٹ بینک حاصل کرنے کے لیے علاقائی اور مذہبی بنیادوں پر تقسیم کی پالیسی کا پرچار کیا۔ جب کہ انہوں نے لوگوں کو کبھی سچ نہیں بتایا۔

سید محمد الطاف بخاری نے کہا کہ اپنی پارٹی اس وقت وجود میں آئی جب کوئی سیاستدان یا کوئی دوسری سیاسی جماعت جموں و کشمیر کے لوگوں کی حمایت میں آواز اٹھانے کے لیے آگے نہیں آئی۔ ہم نتائج کی پرواہ کیے بغیر سب سے آگے آئے اور ملازمتوں اور زمین کا مسئلہ اٹھایا تاکہ جموں و کشمیر کے لوگوں کے لیے اس کی حفاظت کی جاسکے۔ انہوں نے دعویٰ کیا کہ اپنی پارٹی جموں و کشمیر کے لوگوں کے لیے ملازمتوں اور زمینوں کے تحفظ میں کامیاب رہی۔