گومتی پور علاقے میں واقع بند اسکولوں کو کھولنے کا مطالبہ احمدآباد: گومتی پور علاقہ ریاست گجرات کے احمدآباد کے مشرق میں واقع ہے۔ اس علاقے میں غریب پسماندہ لوگ بڑی تعداد میں آباد ہیں۔ یہ علاقہ حکومت کی عدم توجہی کا شکار ہے۔ گومتی پور کے کاونسلر زلگی خان نے کہا کہ احمدآباد میونسپل کارپوریشن سے علاقے میں رہنے والے لوگوں کو بنیادی سہولیات فراہم کرنے کی درخواست کی ہے۔ انہوں نے کہا کہ تمام تر سہولیات حاصل کرنا یہاں کے لوگوں کا بنیادی حق ہے۔ انہوں نے احمدآباد میونسپل کارپوریشن سے ان کے علاقے میں بند اسکولوں کو دوبارہ کھولنے کا مطالبہ کیا۔ ان کا کہنا ہے کہ بند اسکولوں کی وجہ سے تعلیمی سرگرمیاں پوری طرح سے متاثر ہو چکی ہیں۔ بچوں پر اس کے منفی اثرات مرتب ہونے لگے ہیں۔
ان کا کہنا ہے کہ گومتی علاقے میں مسلم دلت ہندو اور دیگر مذاہب کے غیر مقیم مزدور بڑی تعداد میں آباد ہیں۔ احمدآباد میں سب سے زیادہ چالیوں والا علاقہ گومتی پور ہے۔ غریب پسماندہ اور دلت ذات کے لوگ یہاں سب سے زیادہ رہتے ہیں۔ یہاں کے لوگوں کو متعدد مسائل کا سامنا ہے۔ مسلسل دو سال سے ہم احمدآباد میونسپل کارپو یشن کے کمشنر سے مطالبہ کر رہے ہیں کہ کے یہاں پانی کی بورنگ لگائی جائے تاکہ ہر گھر میں پانی پہنچ سکے۔
یہ بھی پڑھیں:Amdavad Municipal Corporation احمدآباد میونسپل کمشنر ایم تھینارسن نے ڈرافٹ بجٹ پیش کیا
انہوں نے مزید کہا کہ گومتی پور موجود تین اسکولوں کو حکومت نے بند کر دیا ہے۔ گذشتہ دو سال سے تمام اسکولز بند ہیں۔ اس کو چالو کرنے کے لئے میں نے اسکول بورڈ کے چیئرمین سے بات کی ہے۔ اسٹینڈنگ کمیٹی کے چیئرمین سے بھی بات کی۔ احمدآباد د کے میئر کو بھی میمورنڈم دیا ہے۔ ساتھ ہی گومتی پور علاقے میں ایک بھی بی آر ٹی ایس بس اسٹینڈ نہیں ہے۔ لوگوں کو دور دراز جا کر بس پکڑنی پڑتی ہے۔ بس اسٹینڈ دور ہونے کی وجہ سے طلبا پریشان ہوتے ہیں۔ ہمارا مطالبہ ہے کہ حکومت اس سلسلے میں ضروری قدم اٹھائے اور بند اسکولوں کو دوبارہ کھولنے کے لیے نوٹیفیکیشن جاری کرے۔
