پرانی دہلی میں شعراء کی تقریب منعقد

کورونا وائرس کے اس دور میں تمام ادبی سیاسی سماجی اور مذہبی تقاریب تھم سی گئی تھی، جسے اب واپس پٹری پر لانے کے لیے تمام تر کوششیں کی جا رہی ہیں۔ ایسی ہی ایک تقریب پرانی دہلی کے پہاڑی املی میں منعقد ہوئی۔

دارالحکومت دہلی کے فصیل بند شہر میں واقع حضرت شاہ ولی اللہ محدث دہلوی کے نام سے منسوب لائبریری میں ایک تقریب کا انعقاد کیا گیا، جس میں اردو ادب کے مختلف شعراء نے شرکت کی۔

عالمی وبا کورونا وائرس کے بعد سے ہی تمام ادبی سماجی اور مذہبی تقاریب پر تالابندی کر دی گئی تھی، لیکن 100 روز سے زائد عائد پابندی ختم ہونے کے بعد زندگی پھر سے معمول پر لوٹنی شروع ہو گئی ہے۔

اسی کڑی میں دارالحکومت دہلی کے شاہجہان آباد کی تنگ گلیوں میں واقع حضرت شاہ ولی اللہ لائبریری میں ادب کی ایک تقریب منعقد کی گئی، جس میں متعدد شعراء نے شرکت کرتے ہوئے اپنے اشعار پیش کیے۔

اس محفل ادب کے موقع پر معروف شاعر معین شاداب نے اپنا کلام پیش کیا۔