اس حکم کے تحت شعبہ انتھالوجی ( بشریات) میں اسکریننگ کے عمل کی تکمیل کے بعد امیدواروں کی مختصر فہرست بنا کر انٹرویو کی تاریخ کا اعلان کر دیا گیا ہے جو 8 اکتوبر 2020 کو ہوگا۔
ہندی، کامرس، انگریزی، پولیٹیکل سائنس، تاریخ، لاء، کیمسٹری، فزکس وغیرہ مضامین کے آئندہ ماہ نومبر میں انٹرویو کی توقع ہے۔
دہلی ٹیچرس ایسوسی ایشن (ڈی ٹی اے) کے انچارج، عام آدمی پارٹی کی اساتذہ تنظیم اور دہلی یونیورسٹی کی تعلیمی کونسل کے سابق ممبر، پروفیسر ہنسراج سمن نے بتایا ہے کہ گزشتہ ایک سال سے کالجوں میں مستقل تقرریوں کے عمل کے نہ ہونے کی وجہ سے اشتہارات کی میعاد ختم ہورہی تھی۔
یہ انٹرویو 8 اکتوبر 2020 کو وائس چانسلر کمیٹی روم، وائس ریگل لاج میں دہلی یونیورسٹی کے شعبہ انتھالوجی میں امیدواروں کی اسکریننگ کے بعد دیئے گئے اشتہاروں کی آخری تاریخ کے پیش نظر کئے گئے ہیں۔
پروفیسر سمن نے بتایا ہے کہ طویل عرصے کے بعد ڈی یو کالجوں میں مستقل تقرری کا عمل شروع کیا جارہا ہے۔ ڈی ٹی اے نے اس کا خیرمقدم کیا ہے۔
پروفیسر سمن نے مزید بتایا ہے کہ یونیورسٹی کے شعبوں کے بعد کالجوں میں مستقل تقرری کا عمل شروع کرنے کے لیے سبجیکٹ وائز اسکوٹنی کے بعد اسکریننگ کا کام زوروں میں جاری ہے۔
انہیں ہدایت دی گئی ہے کہ جلد ہی اشتہارات کے مقررہ وقت کے اندر تمام مضامین کے انٹرویو کروائیں۔ شعبوں کے انٹرویو کے ساتھ کالجوں میں بھرتی کا عمل نومبر کے دوسرے ہفتے سے شروع ہوسکتا ہے۔ فی الحال ، دہلی یونیورسٹی نے 18 مضامین کی اسکریننگ لسٹ جاری کردی ہے ۔انھوں نے کہا کہ اسکوٹنگ کے بعد کالجوں میں اسکریننگ کا کام جاری ہے۔
