رانچی:کانسے کا تمغہ جیتنے والی جاپان اور 19ویں ایشیائی کھیلوں کی طلائی تمغہ جیتنے والی ٹیم چین اس ٹورنامنٹ میں یقیناً توجہ مبذول کرائےگی جبکہ ہندوستانی خواتین کی ہاکی ٹیم بھی ٹائٹل کی مضبوط دعویدار ہے۔
ہندوستانی خواتین ہاکی ٹیم کی کپتان سویتا نے کہاکہ اس طرح کے ٹورنامنٹ میں کسی بھی ٹیم کو ہلکے میں نہیں لیا جا سکتا۔ ہم ان میچوں کے منتظر ہیں کیونکہ یہ ایشیا کی کچھ خطرناک ٹیموں کے خلاف ہماری صلاحیت کو جانچنے میں ہماری مدد کریں گے۔ یقیناً ہم یہاں ہر میچ جیت کر اچھا کرنا چاہتے ہیں۔ پیرس 2024 کے اولمپک کوالیفائر میچز بھی رانچی میں ہوں گے اور اس سے پہلے یہ ٹورنامنٹ ہندوستان کے لیے اہم ہے، یہ رانچی میں ہی ہوگا۔
کپتان کے خیال کی حمایت کرتے ہوئے ہیڈ کوچ جینیک شوپمین نے کہاکہ اولمپکس کوالیفائر کے لیے ان میچوں میں کھیلنا ایک بڑا موقع ہے۔ہمیں دوسری ٹیموں کا مطالعہ کرنے اور یہ جاننے کی اجازت دیتا ہے کہ کھلاڑی اپنے تفویض کردہ رول کو کیسے انجام دیتے ہیں۔ ہماری حالیہ پرفارمنس سے ہم کافی پرامید ہیں اور میں اپنی ٹیم کی کارکردگی دیکھنے کے لیے پرجوش اور بے تاب ہوں۔