چنئی:میئر رادھا کرشنن اسٹیڈیم میں ہونے والے ٹورنامنٹ کے افتتاحی میچ میں کوریا کے گول کیلون پارک (27ویں منٹ) اور جونگھو کم (35ویں منٹ) نے کئے۔ ریوما اوکا نے چھٹے منٹ میں پہلا گول کر کے جاپان کو ابتدائی برتری دلائی لیکن ٹیم اس کے بعد پیچھے ہو گئی۔
یوکا کے گول کی بدولت مضبوط شروعات کرنے والے جاپان کو اس وقت ایک دھچکا لگا جب 21ویں منٹ میں ریکی فوجیشیما کو یلو کارڈ دکھائے جانے پر باہر بھیج دیا گیا۔ یہ کارڈ جاپان کے لیے مہنگا ثابت ہوا کیونکہ پارک نے جلد ہی ایک فیلڈ گول کے ساتھ کوریا کے لیے برابری کر دی۔
اس گول کے بعد کوریا نے جاپان پر دباؤ ڈالا اور انہیں حملے کا موقع نہیں دیا۔ تیسرے کوارٹر میں اس کا نتیجہ نکلا جب کم نے فیلڈ گول کر کے کوریا کو برتری دلائی۔