برمنگھم: عالمی چمپئن شپ میڈلسٹ باکسر امیت پنگھل اور جیسمین نے کامن ویلتھ گیمز 2022 میں جمعرات کو اپنے اپنے زمروں کے سیمی فائنل میں جگہ بنا کر بھارت کے لیے دو تمغے یقینی بنائے۔ پنگھل نے مردوں کے 48 کلوگرام کوارٹر فائنل میں اسکاٹ لینڈ کے لینن ملیگن کو 5-0 سے شکست دی۔ دوسری جانب جیسمین نے خواتین کے 60 کلوگرام کوارٹر فائنل میں نیوزی لینڈ کی ٹرائے گارٹن کو 4-1 سے شکست دی۔ India five medals confirmed in boxing
جیسمین نے دھیمی شروعات کی اور اپنی پہنچ کی وجہ سے اچھا فاصلہ رکھا۔ نیوزی لینڈ کے کھلاڑی نے بھارتی باکسر کو پریشان کرنے اور درست پنچ لگانے کی بہت کوشش کی۔ تاہم جیسمین نے ایسا نہیں ہونے دیا، جیسمین نے کچھ اچھے مکے لگائے اور جاب ہک کا خوب استعمال کیا۔ جیسمین سے پہلے بھارت کے مرد باکسر امیت پنگھل نے بھی جمعرات کو میڈل کو یقینی بنایا۔ انہوں نے سکاٹ لینڈ کے لینن ملیگن کو 5-0 سے شکست دے کر 51 کلوگرام کیٹیگری میں سیمی فائنل میں جگہ پکی کی۔