بھوپال: ضمنی انتخابات کے پیش نظر بی جے پی کی میٹنگ

بی جے پی کی رہنما ارچنا چٹنیس نے ضمنی انتخابات کے متعلق میٹنگ کے بعد نامہ نگاروں سے کہا کہ انتخابات میں ہر کوئی اپنی استطاعت کے مطابق پارٹی کے لیے کام کرے گا۔

ریاست مدھیہ پردیش میں 30 اکتوبر کو چار سیٹوں پر ضمنی انتخابات ہونے ہیں، جس کے متعلق آج بھارتیہ جنتا پارٹی کے صوبائی دفتر میں بی جے پی کارکنان کی میٹنگ منعقد کی گئی۔

میٹنگ کے بعد بی جے پی کی رہنما ارچنا چٹنیس نے نامہ نگاروں سے بات کرتے ہوئے کہا کہ انتخابات کی تیاریاں اور انتخاب میں جس کی جتنی طاقت ہے وہ اپنی طاقت کے ساتھ پارٹی کے لیے کام کرے گا۔

انہوں نے کہا کہ بھارتی جنتا پارٹی کو انتخابات کے لیے کوئی خاص تیاری کرنے کی ضرورت نہیں ہے۔

انہوں نے کہا کہ پارٹی پانچ سال 365 دن عوام کے ساتھ رہتی ہے۔ یہی ہماری تیاری ہے اور ہم تیار ہیں۔

انہوں نے کہا کہ ہماری طاقت اور ہماری پالیسیوں کے دم پر ہم یہ انتخابات میں کامیابی حاصل کریں گے۔

ٹکٹ کو لے کر انہوں نے کہا کہ جو پارٹی طے کرے گی سب کو وہ ماننا پڑے گا پارٹی کا فیصلہ آخری فیصلہ ہوگا۔