شہری ترقیاتی وزارت کی فہرست میں بریلی سب سے نیچے

مرکزی حکومت کے سمارٹ سٹی منصوبہ کے زمرے میں شامل بریلی شہر میں یوں تو کئی ترقیاتی کام ہو رہے ہیں لیکن اس کے باوجود ملک کے دیگر شہروں کے موازنے میں یہ شہر زندگی بسر کرنے لائق نہیں ہے۔ ایسے نتائج مرکزی شہری ترقیاتی وزارت کی حالیہ جاری کردہ فہرست کے بعد سامنے آئے ہیں۔ ملک اور ریاستی دارالحکومت کے درمیان بسا یہ شہر ترقیاتی شہروں کی فہرست میں کافی پیچھے چلا گیا ہے۔

ایک دن قبل عالمی یوم خواتین کے موقع پر شہر بریلی سے فضائی پرواز بھی شروع کی گئی ہے۔ اس سروس کے شروع ہونے سے شہر کی ترقی کو نئی بلندیاں حاصل ہونے کی امید ہے۔ ماحول کے لحاظ سے بھی بریلی شہر دیگر اضلاع سے کچھ بہتر ہے۔ اس کے باوجود مرکزی شہری ترقی وزارت کی حالیہ جاری فہرست کی وضاحت نے بریلی شہر کو زندگی بسر کرنے کے نقطہ نظر سے درست نہیں سمجھا ہے۔

وزارت شہری ترقیات نے ایسے شہروں اور میونسپل کارپوریشنس کی فہرست جاری کی ہے جو 2020 میں رہائش کے لحاظ سے ملک میں سب سے بہتر اور بدتر ہیں۔ ان شہروں کی آن لائن رینکنگ جاری کردی گئی ہے۔ 'ایز آف لونگ انڈیکس' نے سنہ 2020 کی فہرست میں ملک کے کل 111 شہروں کو شامل کیا، جس میں شہر بریلی کی بھی شمولیت تھی۔

میئر اُمیش گوتم کے مطابق موجودہ وقت میں شہر میں بہت سارے ترقیاتی کام جاری ہیں۔ اس کے فوائد آئندہ رینکنگ میں حاصل ہونے کی امید ہے، جبکہ دیگر شہری اور سیاسی رہنما شہر کی موجودہ رینکنگ سے متفق نہیں ہے۔ اُن کا کہنا ہے کہ بی جے پی کام میں یقین نہیں کرتی ہے، بلکہ جملہ بازی میں یقین کرتی ہے۔ اسی کا نتیجہ ہے کہ بریلی مسلسل رینکنگ میں پیچھے جا رہا ہے۔ یہ اچھے علامات نہیں ہیں۔

شہری ترقیاتی وزارت کی فہرست میں بریلی سب سے نیچے

ریاست اتر پردیش میں کل 75 اضلاع ہیں اور ان میں کل 14 میونسپل کارپوریشن ہیں۔ میونسپل کارپوریشن والے سبھی 14 شہروں کی آبادی دس لاکھ سے زیادہ ہے۔”ایز آف لِوینگ اِنڈیکس“ کی رینکنگ میں سبھی 14 میونسپل کارپوریشن کی صرف اتر پردیش کی رینکنگ میں بریلی 14 ویں یعنی آخری مقام پر ہے۔ ملک کے کل 111 شہروں کو شامل کیا گیا تھا، جس میں دس لاکھ سے زیادہ آبادی والے ملک کے کل 49 شہر ہیں اور صرف اتر پردیش کے کل 14 شہر شامل ہیں۔ اس لحاظ سے بریلی ملک میں 49 شہروں میں 43 ویں اور اتر پردیش کے 14 شہروں میں 14 ویں مقام ہے۔

شہری ترقیاتی وزارت کی فہرست میں بریلی سب سے نیچے