فوج کی 2سیکٹر راشٹریہ رائفلز نے بھاری برفباری کے دوران بانہال سے تعلق رکھنے والی ایک حاملہ خاتون کی بروقت امداد کر کے اسے اننت ناگ اسپتال منتقل کیا Army Jawans Help Pregnant Woman to Reach Hospita۔ مسلسل برف باری کی وجہ سے جموں سرینگر قومی شاہراہ پر کافی برف جمع ہو گئی ہے، جس کی وجہ سے قومی شاہراہ پر ٹریفک کی آمدو رفت معطل رہی۔
فوج کی بروقت مدد سے درد زہ میں مبتلا خاتون ہسپتال پہنچ سکیں اس دوران گاڑی میں سوار بانہال کی ایک خاتون زچگی کے لیے اننت ناگ جارہی تھیں، مگر قومی شاہراہ پر ٹریفک کی نقل و حمل بند رہنے کی وجہ سے حاملہ خاتون اہل خانہ سمیت اُجرُو قاضی گنڈ کے مقام پر درماندہ ہوگئیں۔
بانہال قاضی گنڈ ٹنل کے نزدیک شدید برفباری کے دوران درد زہ میں مبتلا ایک خاتون کے پھنسے ہونےکی اطلاع موصول ہوئی۔ فوج نے ایک ریسکیو آپریشن کر کے خاتون کو ہسپتال پہنچا کر زچہ بچہ کی جان بچا لی۔ مقامی لوگوں نے فوج کی اس بروقت امداد کی تعریف کی۔
