نئی دہلی:عالمی مارکیٹ میں خام تیل کی قیمتوں میں مسلسل اضافہ کے باوجود ملک میں پٹرول اور ڈیزل کی قیمتیں آج بھی مستحکم رہیں۔ بین الاقوامی مارکیٹ میں لندن برینٹ کروڈ کی قیمت 0.36 فیصد اضافے سے 86.22 ڈالر فی بیرل ہو گئی۔ اسی طرح امریکی خام تیل 0.49 فیصد اضافے کے ساتھ 80.65 ڈالر فی بیرل پر پہنچ گیا۔Petrol and diesel prices stable
گھریلو تیل مارکیٹنگ کمپنی بھارت پٹرولیم کے مطابق پٹرول اور ڈیزل کی قیمتیں آج مستحکم رہیں۔ دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم ہے۔ ملک میں 5 ماہ سے زائد عرصے سے ایندھن کی قیمتوں میں کوئی تبدیلی نہیں ہوئی۔ ممبئی میں پٹرول کی قیمت 106.31 روپے فی لیٹر اور ڈیزل کی قیمت 94.27 روپے فی لیٹر ہے۔ویلیو ایڈڈ ٹیکس (ویٹ) اور فریٹ چارجز کے لحاظ سے پیٹرول اور ڈیزل کی قیمتیں ریاستوں میں مختلف ہوتی ہیں۔ پٹرول اور ڈیزل کی قیمتوں کا روزانہ جائزہ لیا جاتا ہے۔
آج ملک کے چار بڑے شہروں میں پٹرول اور ڈیزل کی قیمتیں اس طرح رہیں:-
شہر............پٹرول................ڈیزل...
دہلی.........96.72، .............89.62
ممبئی ... 106.31.,.............94.27
کولکتہ....106.03 . ............92.76
چنئی .... 102.63...............94.24