وزیراعظم نریندر مودی نے آج کہا کہ ہندوستانی ہاکی خاتون ٹیم میں نئے ہندوستان کا جذبہ نظر آتا ہے اور اس ٹیم پر فخر ہے۔
خاتون ہاکی ٹیم کے ٹوکیو اولمپک میں کانسے کے میڈل کے لیے کھیلے گئے میچ میں بریٹین سے معمولی فرق سے شکست کے بعد اپنے رد عمل میں وزیراعظم نے یہ اظہار خیال کیا۔
پی ایم مودی نے جمعہ کو ٹویٹ کیا، ’خاتون ہاکی ٹیم معمولی فرق سے میڈل سے چوک گئی لیکن اس ٹیم میں نئے ہندوستان کا جذبہ ظاہر ہوتا ہے جہاں ہم بہترین کوشش کرتے ہیں اور نئے بلندیاں حاصل کرتے ہیں۔ علاوہ ازیں ٹوکیو اولمپک میں ان کی کامیابی ملک کی نوجوان بیٹیوں کو ہاکی کھیلنے اور اعلیٰ مظاہرہ کرنے کے لیے ترغیب دے گی۔ اس ٹیم پر فخر ہے‘۔