LCH inducted into Indian Air Force today دیسی لائٹ جنگی ہیلی کاپٹر فضائیہ میں شامل

نئی دہلی: بھارتی فضائیہ نے پیر کو باضابطہ طور پر دیسی تیار کردہ لائٹ یعنی ہلکی جنگی ہیلی کاپٹر کو اپنے بیڑے میں شامل کیا۔ اس سے فضائیہ کی طاقت میں مزید اضافہ ہو گا کیونکہ یہ ملٹی فنکشنل ہیلی کاپٹر مختلف قسم کے میزائل فائر کرنے اور ہتھیاروں کے استعمال کی صلاحیت رکھتا ہے۔ LCH کو ہندوستان ایروناٹکس لمیٹڈ (HAL) نے تیار کیا ہے، جسے بنیادی طور پر بلندی والے علاقوں میں تعینات کرنے کے لیے ڈیزائن کیا گیا ہے۔ Air Force gets first made India light combat helicopters

وزیر اعظم مودی کی سربراہی میں کابینہ کمیٹی برائے سیکورٹی (CCS) نے رواں برس مارچ میں 15 مقامی لائٹ اٹیک ہیلی کاپٹر (LCH) کی خریداری کو منظوری دی تھی۔ یہ ہیلی کاپٹر HAL سے 3387 کروڑ میں خریدے گئے ہیں۔ ان میں سے 10 ہیلی کاپٹر فضائیہ کے لیے ہیں اور پانچ انڈین آرمی (فوج) کے لیے ہیں۔

اس سے قبل اتوار کو حکام نے بتایا کہ اس ہیلی کاپٹر کو وزیر دفاع راج ناتھ سنگھ، ایئر چیف مارشل وی آر چودھری کی موجودگی میں جودھ پور میں ایئر فورس بیس پر منعقدہ ایک پروگرام میں شامل کیا جائے گا۔ وزیر دفاع نے ایک ٹویٹ میں کہا کہ نئے ہیلی کاپٹروں کی شمولیت سے بھارتی فضائیہ کی "جنگی صلاحیت" کو "بڑا فروغ" ملے گا۔ حکام نے بتایا کہ 5.8 ٹن وزنی انجن والے ہیلی کاپٹر کا پہلے ہی کئی ہتھیاروں کے استعمال کے لیے تجربہ کیا جا چکا ہے۔

غور طلب ہے کہ مارچ میں وزیر اعظم نریندر مودی کی زیر صدارت کابینہ کمیٹی برائے سیکورٹی (CCS) کی میٹنگ میں 3,887 کروڑ روپے میں 15 مقامی طور پر تیار کردہ LCH خریدنے کی منظوری دی گئی تھی۔ وزارت دفاع نے کہا کہ ان میں سے 10 ہیلی کاپٹر فضائیہ کے لیے اور پانچ فوج کے لیے ہوں گے۔ حکام نے بتایا کہ LCH ' انڈیا دھرو ایڈوانس لائف ہیلی کاپٹر سے مشابہت رکھتا ہے۔ انہوں نے کہا کہ اس میں بہت سے 'اسٹیلتھ خصوصیات، بکتر بند حفاظتی نظام، نائٹ اٹیک اور ایمرجنسی لینڈنگ کی صلاحیت ہے۔

سنگھ نے ٹویٹ کیاکہ "وہ 3 اکتوبر کو جودھ پور، راجستھان کا دورہ کریں گے، پہلے مقامی طور پر تیار کردہ لائٹ کامبیٹ ہیلی کاپٹروں (LCH) کی شمولیت کی تقریب میں شرکت کریں گے۔ ان ہیلی کاپٹروں کی شمولیت سے بھارتی فضائیہ کی جنگی صلاحیت کو بڑا فروغ ملے گا۔ وہ اس کا منتظر ہیں۔

بتادیں کہ بھارت نے کارگل جنگ کے بعد سے ہی ایل سی ایچ دیسی حملہ آور ہیلی کاپٹر تیار کرنے کا ارادہ کر لیا تھا۔ کیونکہ اس وقت بھارت کے پاس ایسا اٹیک ہیلی کاپٹر نہیں تھا جو 15-16 ہزار فٹ کی بلندی پر جا کر دشمن کے بنکروں کو تباہ کر سکے۔ یہ منصوبہ سنہ 2006 میں منظور ہوا تھا۔ گزشتہ 15 برس کی محنت کے بعد یہ لائٹ کامبیٹ ہیلی کاپٹر تیار کیا گیا ہے۔