పురిటినొప్పులతో బాధపడుతున్న గర్భిణిని ఆసుపత్రికి తెస్తున్న క్రమంలో అంబులెన్స్ మధ్యలో మొరాయించింది. ఇటు ఫోన్ చేద్దామంటే సిగ్నల్స్ లేవు. డ్రైవర్‌ అర్జున్‌ వాహనం పైకి ఎక్కి వైద్యులకు సమాచారం అందించడంతో మరో వాహనం వచ్చింది. ఆసిఫాబాద్‌ జిల్లా కెరమెరి మండలం బాబేఝరి గ్రామానికి చెందిన ఆత్రం జ్యోతిబాయికి ఆదివారం పురిటినొప్పులు రావడంతో ఆశా కార్యకర్త రూపాబాయి కెరమెరి ఆసుపత్రి సిబ్బందికి సమచారం అందించింది. అంబులెన్స్‌లో జ్యోతిబాయిని తీసుకెళుతుండగా మార్గమధ్యలో వాహనం ముందుకు కదలకుండా మొరాయించింది. చరవాణి సిగ్నల్స్ లేవు. వాహనచోదకుడు కొద్ది దూరం అటు ఇటు తిరిగి చివరికి వాహనం పైకి ఎక్కగా కొద్దిగా స్నిగల్‌ అందాయి. ఇబ్బందుల మధ్యనే సమాచారం అందించడంతో 20 నిమిషాల అనంతరం మరో వాహనంలో ఆసుపత్రి సిబ్బంది వచ్చి గర్భిణిని కెరమెరి ఆసుపత్రికి తరలించారు.
PREGNANT LADY: అంబులెన్స్ నడవక.. సిగ్నల్స్ లేక.. గర్భిణీ అవస్థ!