ప్రముఖ సినీ నటి, రాజకీయవేత్త ఖుష్బూ సుందర్ సోమవారం కరోనా బారినపడ్డారు. ఈ విషయాన్ని ట్విట్టర్లో వెల్లడించారు ఖుష్బూ. రెండు వేవ్లు తప్పించుకున్నా, మూడో వేవ్లో వైరస్కు చిక్కినట్లు పేర్కొన్నారు.
సినీ పరిశ్రమలో కరోనా కలకలం కొనసాగుతోంది. ప్రముఖ సినీయర్ నటీమణులు ఖుష్బూ సుందర్, శోభనకు కొవిడ్ పాజిటివ్ వచ్చింది.
శోభనకు ఒమిక్రాన్‌
అంతకుముందు సీనియర్ నటి, భరతనాట్య కళాకారిణి శోభన ఒమిక్రాన్‌ బారిన పడ్డారు. ఈ విషయాన్ని ఆమె స్వయంగా వెల్లడించారు. తనకు కీళ్ల నొప్పులు, చలిజ్వరం ఉన్నట్టు ఆమె తన ఇన్‌స్టా ఖాతాలో పేర్కొన్నారు. వ్యాక్సిన్లు వేసుకున్నా, ఎంత జాగ్రత్తగా ఉన్నా తనకు ఈ కొత్త వేరియంట్‌ సోకిందని తెలిపారు. అయితే, తాను కరోనా వ్యాక్సిన్‌ రెండు డోసులు తీసుకున్నానని.. ఇప్పటికీ వ్యాక్సిన్‌ తీసుకోని వారు వెంటనే తీసుకోవాలని సూచించారు.
ఇదీ చూడండి:Bandla Ganesh Corona: బండ్ల గణేశ్కు మూడోసారి కరోనా