Unnatural Sex With Children: మహారాష్ట్రలో దారుణ ఘటన ఆలస్యంగా వెలుగులోకి వచ్చింది. ఆరుగురు చిన్నారులను మామిడి తోట తీసుకెళ్లి నెలరోజులుగా అసహజ లైంగిక దాడికి పాల్పడుతున్నాడు ఓ కామాంధుడు. బాధితుల్లో ఓ చిన్నారి తన తండ్రికి జరిగిందంతా చెప్పడం వల్ల అతడి బాగోతం బయటపడింది. కేసు నమోదు చేసిన పోలీసులు అతడి కోసం గాలిస్తున్నారు.
Unnatural Sex With Children: నెల రోజులుగా ఆరుగురు చిన్నారులపై అసహజ లైంగిక దాడికి పాల్పడ్డుతున్నాడు ఓ కిరాతకుడు. ఫిర్యాదు అందుకున్న పోలీసులు అతడిపై కేసు నమోదు చేశారు. ఈ దారుణ ఘటన మహారాష్ట్రలోని నాగ్పుర్లో వెలుగు చూసింది.
పోలీసుల వివరాల ప్రకారం.. మయూర్ మోదక్ (28) అనే వ్యక్తి మామిడి పండ్లు కోయడానికి తనతో పాటు మహారాజ్‌బాగ్ ప్రాంతంలోని తోటకి పిల్లలను తీసుకువెళ్లేవాడు. అక్కడ వారిపై లైంగిక వేధింపులకు పాల్పడేవాడు. బాధిత చిన్నారులంతా నాయక్ నగర్ మురికివాడల్లో నివాసం ఉంటున్న పిల్లలు. వారిలో చాలా మంది తల్లిదండ్రులు రోజువారి పనులకు వెళ్తారు. ఇదే అదనుగా తీసుకున్న నిందితుడు ఆ పిల్లలను తోటకు తీసుకెళ్లేవాడు. అయితే నిందితుడు పరారీలో ఉన్నాడని, దర్యాప్తు జరుపుతున్నామని పోలీసులు తెలిపారు. సోమవారం.. తన తండ్రికి 9 ఏళ్ల చిన్నారి చెప్పిన తర్వాత ఈ ఘటన వెలుగులోకి వచ్చిందని, నిందితుడి పై ఐపీసీ సెక్షన్ 377, పోక్సో చట్టం కింద కేసులు నమోదు చేశామని పోలీసు అధికారులు చెప్పారు.
ఇవీ చదవండి:'ఒక్క కేసొచ్చినా.. తీవ్రంగానే పరిగణించండి'.. మంకీపాక్స్‌పై కేంద్రం అలర్ట్!
Last Updated :Jun 1, 2022, 11:36 AM IST