விழுப்புரம்: மரக்காணம் அருகே கேசவநாயக்கன்பாளையம் கிராமத்தைச் சேர்ந்த முதியவர் சேகர்(63) ஓய்வூதியத் தொகை வழங்க கோரி விண்ணப்பித்திருந்த நிலையில், அவர் இறந்துவிட்டதாகக் கூறி மனுவை நிராகரித்து சான்று அளிக்கப்பட்டதாக மரக்காணம் வட்டாட்சியர் அலுவலக ஊழியர்கள் தெரிவித்தனர். இதனால் உயிரோடு இருக்கும் தன்னிடமே உயிரிழந்துவிட்டதாக கூறியதால் முதியவர் அதிர்ச்சியடைந்தார்.
இந்த செய்தி பல்வேறு தரப்பிலும் அதிர்வலைகளை ஏற்படுத்தியிருந்த நிலையில், முதியவர் சேகர் உயிரிழந்துவிட்டதாக சான்று வழங்கிய விவகாரம் தொடர்பாக உரிய விசாரணை நடத்தி சம்பந்தப்பட்ட அரசு அலுவலர்கள் மீது நடவடிக்கை எடுக்குமாறு விழுப்புரம் மாவட்ட ஆட்சியர் மோகன் உத்தரவிட்டுள்ளார்.