திருவண்ணாமலை மாவட்ட ஆட்சியர் அலுவலகம் அருகே 3.5 கோடி ரூபாய் மதிப்பீட்டில் புதிதாகக் கட்டப்பட்ட அறிவியல் பூங்காவைக் கடந்த பிப்ரவரி மாதம் 6ஆம் தேதி நகராட்சி நிர்வாகம், ஊரக வளர்ச்சித் துறை அமைச்சர் எஸ்.பி. வேலுமணி திறந்துவைத்தார்.
அதன்பின்னர், ஊரடங்கு பிறப்பிக்கப்பட்டு பூங்கா திறக்கப்படாமலும், நிலுவையிலுள்ள ஒரு சில பணிகளை முடிக்காமலும் இருந்துவந்தது. எனவே, நிலுவையிலுள்ள கட்டுமானப் பணிகளை முடிப்பதற்கு ஆலோசனை வழங்குவதற்காக மாவட்ட ஆட்சியர் கந்தசாமி அறிவியல் பூங்காவிற்கு நேரில் சென்று பார்வையிட்டார். பின் ஆலோசனைகள் வழங்கி, விரைவாகப் பணிகளை முடிக்க ஒப்பந்ததாரருக்கு உத்தரவிட்டார்.